Linge 79:8 - Ghari

⁸ Mo ko laka na kedeamami igami tana rongona niqira sasi ara naua igira na mumuamami. Ko galuvegami kalina nogo ia, rongona igami ami seko pitsu nogo.

Linge 79:8 Referans Kwoze

Isaia 64:9

Me vaga ia, mo ko laka na kore sailagi vaniamami, se na padadatoana sailagi nimami sasi. Ko padatugua laka igami nimu tinoni nogo igoe, mo ko galuvegami.

Linge 142:6

Rongomivatavia niqu ngangaidato vanigo ko sangaau, rongona inau au seko pitsu nogo. Laumaurisiau tanigira gaqu gala; igira ara susuliga liusiau nogo inau.

Linge 116:6

Na Taovia e reitutugugira igira e tagara kesa ke sangagira; mi kalina igira ara tovoa laka kara sekoliau inau, maia e laumaurisiau.

Linge 21:3

O mai i konina kolua nimu vangalaka loki sosongo, mo molokaea i lovana gana kepi qolumila.

Na Katemai 18:5

Rongona nina sasaga seko ara tsupudato mara sua na baragata, ma God e padavisugira moa nina sautu sasi aia e nau sailaginia.

Hosea 9:9

Igamu amu nau sailaginia moa na omea e seko, vaga saikesa nogo igira na mumuamui ara naua kalina ara totu i Gibea i sau. Maia God sauba e utu ke padalea nimui sasi, me sauba nomoa ke kedeginigamu tana rongona.

Hosea 8:13

Igira ara savori-kodoputsa vaniau rago inau, mara gania na velesina na omea tuavati ara savoria. Eo, minau na Taovia au tau saikesa reingaoa na omea ara naua, mi kalina ia e utu kau padalea niqira sasi, me sauba kau kedegira matena, ma kau molovisugira tugua i Ejipt.

Daniel 9:16

Igoe nogo o isutugumami i sau, bâ, mi kalina ia ko laka kiki moa na kore babâ vaniana na Jerusalem. Aia nimu verabau segeni nogo igoe, ma nimu vungavunga tabu. Igira sui lakalaka na tinoni ara totu tana vera loki polipoligami ara reipeâ na Jerusalem, mara peagami goto igami nimu tinoni, rongona ara danga sosongo na sasi ami naua igami, migira goto na mumuamami.

Esekiel 2:3

“Dalena tinoni igoe, inau au ngaoa kau molovanogo i koniqira na tinoni ni Israel. Igira ara petsakoe sosongo mara piloligi taniau inau, mara petsakoe babâ moa vaga saikesa nogo ara naua igira na mumuaqira i sau.

Linge 130:3

?Ti vaga igoe ko tsokogira sui nimami sasi, me sauba asei ke ulagana na ba tû i matamu igoe?

Linge 106:43

Danga kalina na Taovia e laumaurisigira nina tinoni, migira ara petsakoe babâ vania moa, mara puka babâ moa tana sasi.

Linge 25:7

Mo ko laka goto na padatuguaqira niqu sasi au naua kalina au tinoni vaolu moa. !Tana nimu galuve vo oli ma nimu tobalaka ko padaau Taovia, rongona igoe o dou sosongo!

1 Taovia Tsapakae 17:18

Ma na daki tinamate e tsarivania a Elija, “?Igoe nina maneaqo God, egua ti o nauvaganana vaniau? ?Laka o gini mai ieni na kateli vaniana God niqu sasi inau, ma na nauana goto me ke gini mate na dalequ?”

Na Vaolusi Ketsa 28:43

“Migira na tinoni ni veratavosi ara tototu i laona nimui kao, sauba kara susuliga babâ ma kara paladato liusigamu, migamu sauba kiki rago kamu tsutsuna ma kamu nangalilea gamui susuliga.

Binaboli 32:34

Mi kalina ia, migoe ko visutsuna bâ, mo ko idagana sautu vanigira niqu tinoni na vano i tana inau au tsarivanigo nogo. Ko padatugua laka niqu angelo sauba ke mataligamu, me maimai varangi nogo na tagu i tana inau sauba kau kedegira na tinoni girani tana rongona niqira sasi.”

Tuturigana 15:16

Me sauba ke tsaulia ke vati na vatavata i muri ti igira na kukuamu igoe kara visumaitugua ieni, rongona e utu inau kau tsialigigira na Amor poi kalina ke tabaru saikesa niqira sasaga igira me ke kilia kau kedegira.”