Linge 79:5 - Ghari

⁵ ?Taovia kiki igoe, laka sauba nomoa ko kore vanigami saviliu? ?Egua laka na koremu ke iru babâ moa vaga na lake?

Linge 79:5 Referans Kwoze

Linge 89:46

?Taovia, laka sauba ko taopoi saviliu nomoa igoe? ?Sauba ke oka koegua sagata na koremu ke iru vaga na lake?

Linge 85:5

?Egua, laka sauba ko kore saviliu vanigami moa? ?Me laka nimu momosatoba ke tau goto sui?

Linge 74:1

?God rongona gua ti igoe o piloligi tanigami vaga ia? ?Egua igoe, laka sauba ko kore sailagi vanigira moa nimu tinoni?

Sepania 3:8

“Dou, me vaga ia ma kamu pipitu moa. Eo, kamu pipitu poi ke tsau na dani i tana inau kau tû ma kau taimataqira na tinoni sui. Rongona inau au padakuti matena nogo laka kau adisaigira ma kau kedegira na tinoni ma na veraloki sui, ma kara gini vatsangia na susuligana popono na korequ loki. Ma na barangengo popono sauba ke gini toroutsa na lakena niqu momosatoba loki.

Na Vaolusi Ketsa 29:20

Na Taovia e utu saikesa ke padalea na tinoni e nauvaganana ia. Me sauba moa na korena loki na Taovia ke botsadato vaga na lake me ke iruvia, me sauba kara gadovia aia pipi sui na omea seko ara marea i laona na papi iani, poi tsau kalina na Taovia ke matesiligi saikesalia.

Esekiel 36:5

“Inau na Taovia God au gini kore loki sosongo mau taimataqira na puku tavosi sui ara totu poligira na Israel, me putsikae bâ igira na Edom. Igira sui ara tsogori tsunaliau inau, mara gini mage loki kalina ara tangolia niqu butona momoru, mara aditamaniqira na kao tana e dato magobu dou na buruburu.

Linge 80:4

?Taovia God Susuliga Sosongo, sauba ke oka koegua sagata goto ko kore mo ko sove na rongomiana niqira nonginongi nimu tinoni?

Na Katemai 6:10

Mara gudato mara tsaria, “!Taovia susuliga sosongo, igoe o tabu loki mo mana saviliu! ?Sauba ke oka koegua sagata ko pipitu ti ko mai na pedeaqira na tinoni tana barangengo, mo ko kekegira igira ara labumatesigami igami?”

Sepania 1:18

Me atsa moa ti igira sui niqira siliva ma niqira qolumila me tau goto tangomana ke maurisigira tana dani ke poda na korena na Taovia. Mi tana dani ia, ma na barangengo popono sauba ke toroutsa saikesa tana lakena nina momosatoba loki. Maia sauba ke tavongani suilavaginigira na tinoni sui lakalaka tana barangengo.

Mika 7:18

Me tagara goto sa god ke vaga igoe Taovia; igoe o padale vanigira niqira sasi nimu tinoni igira ara kauvisu. Mo tau goto dona na tangoli okaana nimu kore, mo gini mage moa na sauvulagi vaniamami nimu galuve vo oli.

Isaia 64:9

Me vaga ia, mo ko laka na kore sailagi vaniamami, se na padadatoana sailagi nimami sasi. Ko padatugua laka igami nimu tinoni nogo igoe, mo ko galuvegami.

Linge 103:9

Aia e tau dona ke katelivisu vanigita sailagi moa nida sasi; me vô ke kore saviliu.

Na Vaolusi Ketsa 32:22

Na korequ sauba ke irudato vaga na lake me ke iruvigira pipi sui na omea tana barangengo. Me ke tsau bâ tana barangengo na mate me ke ganigira na lamuqira na vungavunga.

Na Vaolusi Ketsa 32:16

Ara samasama vanigira na god peropero, me gini masugu na Taovia; me gini momosa loki tobana na reiana na omea seko ara naua.

Linge 6:4

Taovia ko mai tsaku mo ko maurisiau; tana nimu galuve ko laumaurisiau tania na mate.

Linge 80:5

Igoe o sauvanigami na rota ke lia gamami mutsa, ma na dangana na bilo na kô na matamami kami inuvia.

Linge 89:47

!Ko padatugua laka e kurikuri lê na mauriqu; mo ko padatugugotoa laka igoe nogo o aqosigami, migami ami tinoni lê sui moa mami dona mate!

Sekaria 1:12

Mi muri ma na angelo e tsaria, “Taovia God i laona vitu sangavulu nogo na ngalitupa igoe o kore loki sosongo vania na Jerusalem, migira sui goto na verabau tana Juda. ?Ke oka koegua sagata ti ko galuvegira tugua?”