Linge 79:1 - Ghari

¹ God igoe, igira na tinoni ponotoba ara mai mara totuvinogoa na veramu. Mara tangopekea nimu Vale Tabu, mara toroutsani poponoa na Jerusalem.

Linge 79:1 Referans Kwoze

Mika 3:12

Bâ, mi tana rongona nogo nimui sasi igamu na tagaovera, ma na manetabu, ma na propete, ti God sauba ke toroutsania na vera ni Jerusalem, me ke lia na tsupu na kutso. Ma na Vungavunga Sion ke lia na kao lê ma kara aqo uta i konina. Ma na tetena i tana e totu na Vale Tabu sauba ke lia na goana atsi.

2 Turupatu Dato 36:19

Maia e tungia na Vale Tabu, me vui pukalia na baravatuna na verabau ni Jerusalem, me tungigira sui na valeqira na tinoni tataovia kolugira sui na omea ara tamanina.

Tangitangi 1:10

Migira gana gala ara komigira pipi sui nina omea loki matena. Eo, maia e reigira goto kalina ara ba sage i laona na Vale Tabu, i tana na Taovia e tongo vanigira na tinoni ni veratavosi kara sage bâ i laona.

Jeremia 26:18

“Kalina a Hesekia e taovia tsapakae tana Juda, maia Mika na propete ni Moreset e tsarivanigira na tinoni sui laka na Taovia Susuliga Sosongo e tsaria na goko vaga iani, ‘Na Sion sauba kara qari atsania vaga moa ti na uta, ma na Jerusalem sauba ke toroutsa popono me ke vaga moa ti na tsupu na kutso, ma na tetena i tana e totu na Vale Tabu sauba ke vaga moa ti na goana atsi.’

Jeremia 52:13

Maia e mololakena na Vale Tabu, ma na valena na taovia tsapakae, ma na valeqira goto pipi sui na tinoni tangirongo tana Jerusalem;

Linge 78:71

i tana nogo aia e reitutugugira nina alaala na sipi, me moloa ke lia na taovia tsapakae tana Israel, niqira reitutugu dou igira nina tinoni God.

2 Turupatu Dato 36:17

Mi tana, ma na Taovia e mologinia na taovia tsapakae ni Babilonia ke baginigira. Maia e matesigira na mane vaolu sui tana Juda, atsa moa goto igira ara totu i laona na Vale Tabu. Me tau goto gaea ke kesa, tinoni vaolu se tinoni loki, na mane se na daki, tinoni lobogu se tinoni mauri dou. Aia God e mologira sui lakalaka i limana moa aia.

2 Taovia Tsapakae 24:13

me adivanogira i Babilonia pipi sui na omea loki matena i laona na Vale Tabu mi laona na valena na taovia tsapakae. E vaga saikesa nogo e kate idanogoa na Taovia, maia Nebukadnesar e tairutugira sui na omea levolevo qolumila aia a Solomon na taovia tsapakae e aqosigira nogo, agana na gini aqo i laona na Vale Tabu.

Binaboli 15:17

Migoe o livugira tana nimu vungavunga tabu, i tana igoe Taovia o vilinogoa ke lia na valemu, tana Vale Tabu igoe segenimu nogo o logoa.

Na Katemai 11:2

Mo ko laka moa na tovoana na kao i taba polia na valetabu. Rongona i tana ara saunogoa vanigira na tinoni ponotoba, migira sauba kara tsogori sekolia na Vera Tabu i laona ke vati sangavulu ruka na vula.

Luka 21:24

Visana sauba kara tsodoa na mate tana isi, me visana kara tsonitsekagira tana vera tavosi sui. Migira na ponotoba kara sage, ma kara sugutia na Jerusalem popono, poi ke tovu niqira tagu.

Esekiel 9:7

Ma God e ketsalitugira, “Kamu tu bâ, ma kamu tu naqugasia na Vale Tabu. Ma kamu tu dangaliginia na pakokana na Vale Tabu na kubuqira na tinoni mate. !Bâ, ma kamu tu tuturiga saviliu kalina ia!” Mi tugira ara tu tuturiga saviliu na labumatesiaqira na tinoni i laona na verabau ia.

Jeremia 39:8

Mi tana tagu goto ia, migira na Babilonia ara totuvisu i Jerusalem ara mololakena me iru saikesa na valena na taovia tsapakae, ma na valeqira goto na tinoni, mara vui pukaligira na baravatuna na verabau ni Jerusalem.

Isaia 47:6

Inau au kore sosongo vanigira niqu tinoni, mau tau nogo nauvaganana vanigira laka ti igira niqu tamani. Inau nogo au mologira i limamu, migoe o tau goto gaegira, me atsa moa igira na tuqatuqa ma na dakidaki migoe o rotasi sosongoligira goto.

Linge 50:1

God na Taovia Susuliga aia nogo e goko; me soagira sui na tinoni tana barangengo popono, e tû tana e dato na aso me vosa bâ tana e sû.

Isaia 63:18

Kesa moa tana tagu tetelo, igami nimu tinoni tabu ami tamanina nimu Vale Tabu, mi muri, migira gamami gala ara tsialigigami mara tsogori tsunalia nimu Vale Tabu.

Jeremia 51:51

Igamu amu tsaria, ‘Ara paluvangamamami sosongo igami, mami totu moa tana vangamâ. Ami tau saikesa dona nagua kami naua, rongona igira na tinoni ni veratavosi ara sagenogoa i laona na nauna tabu tana Vale Tabu.’