Linge 78:8 - Ghari

⁸ Mi tana ti igira kara tau gini usuligira na mumuaqira, igira na alaala na vanga petsakoe ma na livusuguradi, igira nogo ara tau vataragini kakaia niqira vainorugi konina God mara tau goto dona kara totukakai i konina.

Linge 78:8 Referans Kwoze

Linge 78:37

Ara tau totukakai i konina aia; mara tau goto manalia niqira tabana na vaitasogi ara naukolua.

Binaboli 32:9

Au donagininogoa laka ara tsatsarae sosongo na tinoni girani.

Esekiel 20:18

Mau tû, mau parovatavigira kakai na tinoni vaolu ara totu i laoqira mau tsaria: ‘Kamu laka goto na muriaqira niqira sasaga ma niqira lavu igira na mumuamui; se kamu gini kaulinaqu tana samasama vaniaqira na titinonina niqira god peropero.

2 Taovia Tsapakae 17:14

Migira ara sove goto na rongomangana; mara baribari vaga saikesa nogo ara naua igira na mumuaqira ara tau norukakaia na Taovia niqira God.

Na Vaolusi Ketsa 31:27

Au donaginigira nogo laka ara tsatsarae mara petsakoe sosongo. Igira ara petsakoe mangana nogo na Taovia tana tagu inau au mamauri moa, me sauba kara petsakoe goto bâ murina kalina kau mate inau.

Aqoaqo 7:51

Maia Stivin e tsarigotoa vanigira igira na tinoni ara tangolia, “!Tinoni vanga vo rorongo igamu! !Vanga pono sagata na tobamui! ?Megua te e ire vaga na kulimui, mamu gini tau rongomia na gokona God? Igamu amu usuli saikesaligira na mumuamui. !Igamu goto amu sove pipi kalina na rongomangana na Tarunga Tabu!

Esekiel 20:8

Migira ara sua mangaqu inau mara sove saikesa na rorongo. Mara tau goto ngaoa kara tsoniligigira na titinonina niqira god peropero marasibiga igira na Ejipt. Mi tana i laona nogo na Ejipt, e silovi sosongolia na tobaqu na nauvaniaqira na omea kara vatsangiginia na susuligana popono niqu momosatoba.

2 Turupatu Dato 30:7

Kamu laka saikesa na usuliaqira na mumuamui migira goto na Israel gamui verakolu igira ara piloligi tania na Taovia niqira God. Me vaga amu donagininogoa, aia e kedegira kakai sosongo.

Na Vaolusi Ketsa 9:24

Eo, tuturiga kalina inau au vasini donaginigamu, migamu amu sove tania moa na Taovia.

Na Vaolusi Ketsa 9:13

“Ma na Taovia e tsarivaniau goto inau, ‘Inau au donagininogoa laka na tinoni girani ara tsatsarae sosongo.

Binaboli 33:5

Rongona na Taovia e ketsalinogoa a Moses ke tsarivanigira, “Igamu na tinoni tsatsarae sosongo. Me ti vaga inau kau dulikolugamu atsa moa kesa tana tagu tetelo, me sauba e utu ke tagara kau matesiligigamu sui saikesa. Mi kalina ia kamu adiligigira sui nimui inilau angaanga, minau kau pedea na omea gua sauba kau nauvanigamu.”

Binaboli 33:3

Kamu vano igamu tana kao lakatana me vuaga dou ia, minau segeniqu moa e utu kau dulikolugamu, rongona igamu na tinoni tsatsarae sosongo, me tau utu kau ba matesigamu lê i sautu.”

Aqoaqo 11:23

Mi kalina aia e ba laba tana me reivulagia danga na omea dou God e aqosinogoa i laoqira na tinoni ni tana, me gini mage loki tobana me raigira laka kara tukakai manana i konina na Taovia tana tobaqira popono.

Isaia 30:9

Igira ara piloligi sailagi moa tania God, mara peropero sailagi, mara sove saikesa na rongomiana nina parovata na Taovia.

Linge 106:7

Kalina igira na mumuamami ara totu i Ejipt ara tau saikesa padagadovia na aqo loki sui igoe o naugira; mara padalegira nogo na tagu danga i tana igoe Taovia o sauvulagia vanigira nimu galuve. Mi tana Tasi Tsitsi igira ara tû, mara petsakoe mangana moa aia e Susuliga Tsapakae.

Linge 68:6

Aia e tusua na vale kara tamanina igira ara totu segeniqira, me nusigira ara totu sosori me mologira kara totu magemage tana kao lakataga. Migira ara sove tania God, sauba kara totu saviliu moa tana kaomate.

Nina Papi A Job 11:13

“A Job igoe, ko pilo gotosia na tobamu, mo ko nongia God ke galuvego me ke sangago.

2 Turupatu Dato 30:19

“Taovia igoe niqira God na mumuamami, au nongigo tana nimu doulaka ko padale vanigira niqira sasi igira ara samasama vanigo tana tobaqira popono atsa moa ti igira ara tau masidi dou taonia na vovorona na lotu.”

2 Turupatu Dato 20:33

maia e tau vati toroveogira sui moa na nauna i tana ara samasama igira na ponotoba. Migira na tinoni ara tau vati pilobadou moa i konina niqira God na mumuaqira, ma kara samasama vania tana tobaqira popono.

2 Turupatu Dato 19:3

Me atsa moa o nauvaganana ia, migoe o naugotoa visana na omea e dou. Igoe nogo o adiligigira sui na nununa na god daki ko Asera aia igira na tinoni ara samasama vania, mo tovo manana na muriana nina kili God.”

2 Turupatu Dato 12:14

A Rehoboam e naua moa na omea tabaru sosongo, rongona e tau goto tovoa ke donaginia nina kili na Taovia.

Na Vaolusi Ketsa 4:4

migamu moa igamu amu totu kakai konina na Taovia nimui God, amu mamauri moa tsaumai i dani eni.

Binaboli 34:9

Me tsaria, “Taovia, ti vaga igoe o reingaoau manana inau, mau nongigo ko dulikolugami mo ko reitutugugami i sautu. Eo, e manana nomoa laka na tinoni girani ara tsatsarae sosongo, me atsa moa e vaga Taovia, migoe ko padalegira moa na omea seko ami naua, ma nimami sasi, mo ko tabegami moa vaga nogo nimu tinoni segeni.”

Josua 22:15

Mara mai tsau tana butona kao ni Gilead i koniqira na tinoni tana puku tu koniqira a Ruben, ma Gad ma Manase i Longa,

1 Samuel 8:8

Eo, e tuturiga mai nogo i sau kalina inau au adirutsumigira tania na Ejipt, migira ara piloligi taniau mara ba samasama vanigira na god tavosi; mi kalina ia igira ara nauvanigo goto igoe na omea vaga ara nau sailaginia moa vaniau inau.

Linge 78:40

!E danga sosongo kalina igira ara petsakoe vania tana kaomate; me gini melu tobana!

Linge 78:56

Me atsa moa na Taovia e naua vanigira vaga ia, migira ara petsakoe vania God Susuliga Sosongo mara tovolea babâ moa. Migira ara tau nogo muria nina ketsa,