Linge 78:7 - Ghari

⁷ Mi tana nauvaganana nogo ia, ti sauba igira kara gini molo kalavatavia niqira vainorugi i konina God ma kara gini tau padalea na omea vaga aia e aqosigira nogo, ma kara muridougira pipi kalina na vovorona nina ketsa.

Linge 78:7 Referans Kwoze

Na Vaolusi Ketsa 5:29

!Ke dou sosongo ti vaga igira kara papada vaga nomoa iani pipi tagu! Ma kara padalokiau inau, ma kara murigira pipi sui niqu ketsa, rongona ke gini vano dou sailagi pipi na omea sui vanigira igira, migira goto na kukuaqira.

Na Katemai 14:12

E kilia nomoa kara dona na berengiti loki igira nina tinoni God, igira ara muridougira nina ketsa, mara mauri muria nina sasani a Iesu Kristo.

1 Ioane 5:3

Rongona ti vaga igita a galuve mananaa God me sauba ka muridougira nina ketsa. Ma nina ketsa ara tau ngoligita sagata.

Na Vaolusi Ketsa 4:9

!Kamu parovata dou! Reigamu dou kamu tau padalea tana maurimui popono na omea igamu amu morosiginia na matamui segeni. Kamu turupatuna vanigira na dalemui ma na kukuamui

Linge 103:2

Na tidaoqu ke soalokia na Taovia, ma kau laka goto na padaleana laka aia e dou sosongo vaniau.

Linge 91:14

God e tsaria, “Inau sauba kau maurisigira igira ara galuveau, ma kau reitutugudougira igira ara donaginia laka inau nogo niqira Taovia.

Linge 40:4

Ara mage igira ara norudou mananâ na Taovia, igira ara tau pilo bâ i koniqira na titinonina na god peropero, se kara dona na sangapata koluaqira igira ara samasama vanigira.

Na Vaolusi Ketsa 8:11

Ma Moses e tsarigotoa, “Kamu parovata dou ma kamu laka na padaleana na Taovia nimui God. Kamu laka goto tagara na muriana pipi vidaqira nina ketsa, ma nina vali, ma nina parovata, igira inau au sauvanigamu i dani eni.

Na Vaolusi Ketsa 8:2

Kamu padavisua laka e koegua kalina aia na Taovia nimui God e idagana sautu vanigamu tana kaomate i laona vati sangavulu na ngalitupa, me mologira danga na rota kara gadovigamu gana ke gini tovolegamu, ti aia ke gini donaginia nimui papada, ti vaga kamu murigira manana nina ketsa se tagara.

1 Petero 1:21

Na vuana nogo nina aqo aia, ti igamu amu gini tutunina God, aia e maurisivisua a Iesu Kristo tania na mate, me molokaea tana mararana loki i baragata. Aia nogoria na rongona ti nimui tutuni ma nimui amesia ara ka gini bulubete kalavata i konina God.

1 Korint 11:24

me soadoua God, me ngitia me tsaria, “Iani na koniqu au saua na tugumui. Kamu naua na omea iani na mani padaginiaqu.”

Linge 146:5

Ke mage na tinoni aia e norua nina God a Jakob ke sangâ, me tsotsovata moa i konina na Taovia nina God,

Linge 105:5

Igamu na kukuana a Abraham aia nina maneaqo na Taovia; migamu goto na kukuana a Jakob na mane aia God e vilia; kamu padatugugira na valatsatsa loki God e aqosigira, ma nina pedelaka aia e naua.

Linge 62:5

Minau au pitua moa God ke sangaau, rongona i konina nogo aia au vataraginia niqu amesi.

Na Vaolusi Ketsa 6:12

mi tana ke reigamu manana kamu tau padalea na Taovia aia e laumaurisigamu tania Ejipt, i tana igamu amu totu tseka i sau.

Na Vaolusi Ketsa 6:21

Mi tana, ma nimui aqo igamu kamu tsarivanigira, ‘I sau igami ami tseka vania na taovia tsapakae ni Ejipt, ma na Taovia nogo e laumaurisigami tana susuligana loki.

Na Vaolusi Ketsa 6:25

Me ti vaga ka muri kalavatavia pipi sui na omea God e ketsaliginigita, maia sauba ke reingaogita sosongo.’ ”

Linge 105:45

Aia e nauvanigira vaga ia ti igira nina tinoni kara gini muridougira pipi sui nina ketsa ma nina vali. !Tsonikaea na Taovia!