Linge 77:2 - Ghari

² I laona niqu rota, minau au nongia na Taovia; mi tana bongi popono au abedatoa na limaqu tana nonginongi, me tagara sa omea tangomana ke vereau.

Linge 77:2 Referans Kwoze

Linge 50:15

Kamu soaau tsaku kalina ti ke laba vanigamu sa omea seko, minau sauba kau maurisigamu, mi tana nauvaganana ia, ti igamu kamu gini tsonikaeau manana inau.”

Tuturigana 37:35

Migira sui na dalena mane ma na dalena daki ara mai mara tovoa na vereana, maia e sove na rongomiaqira me tsaria, “Tagara, inau sauba kau tangisia na dalequ poi tsau kalina kau tsuna bâ tana barangengo na mate.” Me vaga ia, maia e tangisi babâ moa a Josep na dalena.

Isaia 26:9

Tana bongi inau au lalavego igoe tana kosuqu popono; mi kalina igoe ko tû na pedeana na barangengo kolugira na tinoni i laona, mi tana ti igira sui sauba kara donaginia e koegua vaga na pede gotolaka.

Isaia 26:16

Taovia igoe nogo o kedegira nimu tinoni, mi laona niqira rota loki igira ara nonginongi vanigo.

Hibru 5:7

Mi kalina a Iesu e mauri i barangengo, me danga kalina aia e nonginongi kakai me ngangai dato (vania) God, rongona aia segeni taingoimana ke maurisia tania na mate ti vaga aia ke ngaoa. Ma na rongona a Iesu e kukuni tania God, me molotsuna segenina i matana, te aia God e rongomiginia nina nonginongi.

Hosea 5:13

“Mi kalina Israel e reigadovia laka aia e lobogu loki nogo, mi kalina Juda e morosigira na bokana segeni, mi tana migira na Israel ara vano i koniqira na Asiria, gana kara nongi sasanga i konina na taovia tsapakae ni tana, maia e tau tangomana na taliaqira se na mavusiana na bokaqira.

Jeremia 31:15

Na Taovia e tsaria, “I Rama ara rongomia na leleo loki, na tangitangi me puka na qouqou. Ko Ratsel e tangisigira na dalena; me tau tangomana ke kesa ke vere raea, rongona na dalena ara mate sui nogo.

Ioane 11:31

Migira na tinoni ara totu kolua ko Maria tana vale na matemate, ara reia ko Maria e tu tsakutsaku me rutsu. Migira sui ara aligiri takuti mara muria, rongona ara pada laka aia ke vano na tangitangi tana qiluqilu.

Hosea 6:1

Migira na tinoni ara tsaria, “!Ida gita ma ka visutugua i konina na Taovia! Aia nogo e gati ngotsingotsigita; me sauba nomoa ke taligita; aia e bokaligita, me sauba nomoa ke veqoa na bokada.

Goko Tabana 18:14

Nimu kilimauri tangomana ke sangaginigo kalina igoe ko lobogu. ?Me ti vaga igoe o pada laka e tagara rongona vanigo nogo na mauri me ke koegua vaga goto ti ko gini mauri doutugua?

Linge 86:7

Kalina au totu tana rota loki minau au soago igoe, rongona au dona laka sauba ko rongomia niqu nonginongi.

Linge 63:6

Mi kalina au tsaro i nigequ, mau padavisugo; mi tana bongi popono inau au padago moa igoe,

Linge 18:6

I laona niqu rota inau au ngangaidato vania na Taovia. Au ngangaidato vania niqu God rongona aia ke sangaau. Mi laona nina vale tabu, aia e rongomia na tatangina na lioqu. Me rongomivatavia niqu ngangaidato vania.

Nina Papi A Job 11:13

“A Job igoe, ko pilo gotosia na tobamu, mo ko nongia God ke galuvego me ke sangago.

2 Turupatu Dato 6:28

“Mi kalina ti vaga ke liu na uvirau tana veramami, se na liuna na lobogu, se na paparana na guguri ke rangi sekoligira na uta, se na alaala popono na kipo kara gani matesigira na omea tsukatsuka sui, se kara laba gaqira gala ma kara sekoligira nimu tinoni, se ke gadovigira na lobogu seko se na masagi loki,

Tuturigana 32:28

Ma na mane e tsaria, “Sauba na asamu igoe kara tau nogo soaginigo a Jakob. O vailabugi nogo kolua God me kolugira na tinoni, migoe o tangomana; me sauba na asamu kalina ia kara soaginigo a Israel.”

Linge 55:17

Tana matsaraka mi tana niaso mi tana ngulavi bongi au tatamanga mau kukungu dato vania, maia sauba ke rongomia na tatangina niqu goko.