Linge 76:3 - Ghari

³ Mi tana nogo e bokua niqira parige igira na gala, ma niqira tako ma niqira isi, eo, me pipi sui goto niqira omea levolevo gana na vailabu.

Linge 76:3 Referans Kwoze

Linge 46:9

Aia e tukapusigira na vailabu loki sui ara laba pipi nauna tana barangengo. E bokugira na parige, me kutsigira na bao, ma na tako sui e kodogira tana lake.

2 Turupatu Dato 32:21

Ma na Taovia e rongomigira me molomaia kesa na angelo ke matesigira nina mane vaumate ma nina mane sasanga na taovia tsapakae ni Asiria. Mi tana, maia na taovia tsapakae e paluvangamana me visutugua i Asiria. Me kesa dani kalina aia e totu i laona nina valetabu nina god, migira visana na dalena mane segeni nogo aia ara ba matesiginia niqira isi.

2 Turupatu Dato 20:25

Ma Jehosapat migira nina alaala na mane vaumate ara ratsu bâ i koniqira, rongona kara aditamaniqira niqira omea levo, mara ba reigira ara danga sosongo niqira buluka, ma na mutsa, ma na polo, me visana goto na omea tavosi loki matena. Mara aqo i laona e tolu na dani popono na tsakosaiaqira na omea sui girani, ma na rongona e danga sosongo na omea tana te ara gini tau tangomana na adisuiaqira.

Tuturigana 14:18

Ma Melkisedek, aia na taovia tsapakae ni Salem, maia nina manetabu goto God Loki Tsapakae, e adi bâ vania a Abram na bredi ma na uaeni,

Linge 9:12

God e padagira moa igira ara rota; me tau goto padalea niqira ngangaidato ara nauvania, me kedegira igira ara rotasigira.