Linge 76:10 - Ghari

¹⁰ Niqira momosatoba nogo igira gamu gala e tsukilâ, te ara gini tsonikaego igira nimu tinoni; migira moa ara tau mate tana vailabu sauba kara lokisigira nimu dani tabu igoe.

Linge 76:10 Referans Kwoze

Roma 9:17

Igita a tsokoa tana Mamare Tabu laka God e tsarivania na taovia tsapakae ni Ejipt, “Inau nogo au mologinigo ko taovia tsapakae, rongona tana nimu aqo nogo igoe ti sauba ke gini labamaka na susuligaqu inau me ke gini tangi na rongoqu tana barangengo popono.”

Mateo 24:22

God e kukurisigira nogo na danina na tagu seko vaga ia. Me ti vaga God ke tau nomoa kukurisigira, me sauba ke tagara lelee sa dalena tinoni ke pipidi. Ma na rongona moa God e padagira nina tinoni vivili nogo ia, ti aia ke gini kukurisigira na danina na tagu seko vaga ia.

Na Katemai 11:18

Eo, e gini momosa loki na tobaqira igira na tinoni vanga peapea, rongona e labamai nogo na tagu tana ke podamai na koremu, na tagu i tana igoe sauba ko pedegira na tinoni sui ara mate nogo. E labamai nogo na tagu i tana igoe ko saua na peluna vanigira nimu propete, me vanigira sui goto nimu tinoni ara samasama vanigo, tuu tana lokina me tsau tana tetelona. !Eo, e labamai nogo na tagu tana igoe ko tsogori pukaligira sui igira ara tsogori pukalia na barangengo!”

Linge 65:7

Igoe nogo o beatasia na kukutuna na tasi loki ma na leleona na kararana na panu; ma niqira galagugû na tinoni.

Linge 46:6

Migira na puku tavosi ara viri matagu loki sosongo, ma na veraqira igira na taovia tsapakae sui ara viri taveo popono. Nina goko God e poda loki, ma na barangengo popono e nangaligi lê.

Binaboli 18:11

Mi kalina ia, inau au donaginia laka na Taovia God e loki tsapakae liusigira na god sui, rongona aia e nauvanigira na omea iani kalina igira na Ejipt ara tsogori tsunaligira sosongo na tinoni ni Israel.”

Tuturigana 50:20

Igamu amu vorogokona na omea seko vaniau i sau, maia God e piloa me gini lia na omea dou, gana kara gini mauri danga na tinoni, igira ara mamauri i dani eni tana rongona nogo na omea e laba.

Linge 104:9

Igoe o vota vanigira na nauna i tana kara totu, mo tongo vanigira kara laka na saviliusiana, mo nauvanigira vaga ia rongona kara tau tsavutugua na barangengo popono.

Linge 12:6

Nina veke sui na Taovia ara mana saviliu. Ara vaga moa na siliva ara kukia vitu kalina tana lake romaroma me male.

Linge 82:8

God, ko mai mo ko tagaovia na barangengo; rongona igoe nogo o tamanigira na puku na tinoni sui lakalaka.

Isaia 11:4

aia sauba ke pedegira na tinoni sekona lê tana pedegoto, me ke isutuguqira igira e tagara kesa ke sangagira. Me ke goko moa aia, migira na tinoni seko sauba kara gadovikede, migira na vanga tsutsukibo sauba kara mate.

Ioane 19:22

Ma Pilate e tsarivanigira, “Na omea inau au marea, au marea nogoria.”