Linge 74:21 - Ghari

²¹ Laka na tamiana kara paluvangamaqira lê igira ara bingi sekoligira nogo; mo ko sangagira igira ara tau tamanina sa omea, migira goto e tagara kesa ke sangagira, migira kara gini tsonikaego.

Linge 74:21 Referans Kwoze

Linge 12:5

Ma na Taovia e tû me tsaria, “Eo, mi kalina ia inau sauba kau mai, rongona ara bingi sekoligira igira ara tau tamanina sa omea, mara kukungu tana rota igira ara kilia na sasanga. Minau sauba kau ravisigira ma kara gini totu dou vaga ara amesi sosongolinogoa ke laba vanigira.”

Linge 103:6

Na Taovia e gotolaka i laona pipi nina aqo, me pedegoto tabana koniqira igira ara bingi sekoligira.

Linge 35:10

Mi tana tobaqu popono sauba kau tsarivania na Taovia, “?Taovia asei nomoa ke vaga igoe? Igoe o maurisigira ara maluku tania na limaqira igira ara susuliga liusigira; migira ara tau tamanina sa omea tania na limaqira igira ara rotasigira.”

Linge 9:18

Igira ara kilia na sasanga sauba e utu kara totu sekona lê sailagi moa. Ma niqira amesi igira ara tau tamanina sa omea sauba e utu ke puala lê saviliu.

Esra 3:11

Ara linge na tsonikaeana na Taovia mara gini gokovisu na tsaqina goko vaga iani: “Na Taovia e dou sosongo, ma nina galuve vanigira na Israel e totu saviliu me vo oli.” Migira sui ara linge mi gotu na lioqira mara tsonikaea na Taovia, rongona e tuturiga nogo na aqo na molo papakana na Vale Tabu.

Jeremia 33:11

gugû na magemage, ma na tatangina na magemage na kavomutsa na tauga. Me sauba kamu rongomigira na tinoni kara lilinge kalina ara adimaia niqira sausau na soadou i laona niqu Vale Tabu. Migira sauba kara tsarivaganana iani, ‘Soadoua na Taovia Susuliga Sosongo, rongona aia e dou sosongo ma nina galuve e totu saviliu.’ Minau sauba kau naua ma na kao iani ke tamani omea danga vaga nogo tana idana. Inau nogo na Taovia au tsaria na omea iani.”

Isaia 45:17

Ma na Taovia aia segenina nogo e maurisigamu igamu na Israel, ma gamui tangomana sauba ke totu saviliu; me utu saikesa kara paluvangamamui goto.’ ”

Linge 109:22

Inau au tau tamanina sa omea mau kilia na sasanga, mau rota sosongo i laona na tobaqu.