Linge 74:13 - Ghari

¹³ Na limamu susuliga igoe o sarovotaginia na tasi mo tapalia na lovaqira igira na tuqana na omea mamauri ara totu i laona na tasi;

Linge 74:13 Referans Kwoze

Binaboli 14:21

Mi kalina igira na Israel ara mai tsau tana liligina na tasi, ma Moses e tû me sauvotu bâ na limana, ma na Taovia e moloa na guguri votu mai tana bongi popono, me uvivotâ na tasi me gini laba na kao mamatsa. Ma na tasi e tavota ruka,

Linge 78:13

Aia e sarovotâ na tasi me tudumigira mara liu mamatsa i laona; maia e naua ma na tasi e totukakai tabana mi tabana vaga moa ti na ponopono na vale.

Esekiel 29:3

Mo ko tsarivania laka iani nogo e vaga na omea inau na Taovia God au tsaria: Inau au lia nogo gamu gala igoe na taovia tsapakae ni Ejipt, na tuqana vua loki o tsaro i laona na Kô Nile. Mo koea laka igoe nogo o aqosia na Kô Nile mo tamanina.

Esekiel 32:2

“Dalena tinoni igoe, ko ba parovatavikakaia na taovia tsapakae ni Ejipt, mo ko tsarivania na goko iani e talu i koniqu inau: Igoe o pada segenimu laka o susuliga vaga saikesa moa na laeone i laoqira na puku na tinoni sui, minau au tsaria laka igoe o vaga saikesa moa kesa na vua loki e tsipu tsunadato i laona na kô, mo vuloa na boko me gini kuma.

Linge 66:6

Aia e olia na mao me lia na kao mamatsa; migira na mumuada ara liusavu lê tana mamatsana. Mi tana ti igita a gini magemage mateqira na omea loki vaga God e naugira.

Nehemia 9:11

Mo goko me gini tavota na tasi me mamatsa vanigira nimu tinoni kara liu i laona, mo adisavugira tana kao mamatsa. Migira na gala ara takuvigira nimu tinoni ara viri lulumi sui i laona na maorodo, vaga saikesa moa na vatu kalina e puka tana tasi loki.

Binaboli 14:28

Na tasi e saivisutugua me koko ponotigira na terê, ma na mane sage tana ose, migira sui lakalaka na malagai ni Ejipt igira ara takuvi tsarigira na Israel i laona na tasi, mara viri lulumi sui; me tagara lelê goto sa vidaqira ke pipidi.