Linge 74:1 - Ghari

¹ ?God rongona gua ti igoe o piloligi tanigami vaga ia? ?Egua igoe, laka sauba ko kore sailagi vanigira moa nimu tinoni?

Linge 74:1 Referans Kwoze

Na Vaolusi Ketsa 29:20

Na Taovia e utu saikesa ke padalea na tinoni e nauvaganana ia. Me sauba moa na korena loki na Taovia ke botsadato vaga na lake me ke iruvia, me sauba kara gadovia aia pipi sui na omea seko ara marea i laona na papi iani, poi tsau kalina na Taovia ke matesiligi saikesalia.

Linge 100:3

Laka saikesa goto na padaleana laka na Taovia aia e God. Aia nogo e aqosigita, me tamanigita; igita a nina tinoni, ma nina sipi nogo aia.

Linge 79:13

Mi tana ti igami sui nimu toga igoe, igami na sipina nimu bara, sauba kami soadougo sailagi, ma kami tsonikaego na dani ma na dani.

Linge 95:7

Aia nida God, migita a nina tinoni, maia e reitutugugita, me palagita vaga moa ti kesa nina alaala na sipi. I dani eni kamu rongomia na omea aia e tsaria,

Linge 44:9

Mi kalina eni igoe o sove tanigami tugua mo tamivanigira gamami gala kara tuliusigami; mo tau nogo totu i laoqira nimami alaala na mane vailabu igami.

Luka 12:32

“Kamu laka na matagu igamu niqu alaala tetelo, rongona God na Tamamui e kilia kamu tamanipata kolua tana susuligana.

Esekiel 34:31

“Migamu niqu sipi inau, minau nogo au palagamu. Igamu amu niqu tinoni inau, minau nogo nimui God. Inau nogo na Taovia God au tsaria na omea iani.”

Jeremia 31:37

Me ti vaga kesa dani kara tangomana na tovoana na katsina na masaoka, ma na liuvi tovuana na papakana na barangengo, mi tana moa ti inau kau sove tanigira na tinoni ni Israel tana rongona na omea tabaruga sui ara naugira. Inau nogo na Taovia au tsaria na omea iani.”

Jeremia 23:1

!Sauba ke seko sosongo rago nina pede na Taovia vanigira na tinoni tagao igira ara bingi sekoligira nina tinoni, mara sarangasigira bamai!

Linge 79:5

?Taovia kiki igoe, laka sauba nomoa ko kore vanigami saviliu? ?Egua laka na koremu ke iru babâ moa vaga na lake?

Linge 77:7

“?Laka sauba nomoa na Taovia ke sove tanigita saviliu? ?Me laka sauba e utu saikesa ke reingaogita tugua?

Linge 42:11

?Megua vaga inau ti au melu sosongo vaga ia? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Esekiel 34:8

Inau na God mamauri au tsaria na manana vanigamu, me dou bâ ti kamu rongomiau. Igira na omea tuavati atsi ara matesigira niqu sipi mara ganigira, rongona e tagara kesa ke reitutugugira. Igira na mane inau au mologira kara reitutugugira niqu sipi ara tau goto tovoa na laveaqira. Ara gini boe moa na reitutugu segeniqira, mara tau saikesa boeginigira niqu sipi.

Linge 78:1

Igamu niqu tinoni, kamu rongomidoua na omea inau sauba kau sasaniginigamu, ma kamu rongomi vatavia na omea sauba kau tsaria.

Linge 60:10

?Egua laka igoe o sove tanigami manana nomoa igami? ?Me laka tagara ko tau goto dulikolugira nimami alaala na malagai?

Linge 60:1

God igoe o sovetanigami nogo, migoe nogoria o naua te e gini tau managamami; o kore sosongo vanigami nogo, mi kalina eni ami ngasugo ko pilovisumai i konimami.

Linge 42:9

Au tû, mau tsarivania God aia e reitutuguau, “?Matena gua te o padaleau igoe? ?Egua vaga ti niqu aqo moa inau kau tsodorota babâ vaga ia tana niqira tobaseko ara naua vaniau igira gaqu gala?”

Linge 18:8

Na pungu bau e ngusu rutsumai tana babana isuna. Na iruna na lake loki ma na madaova gagâ ara rutsu tana mangana.

Linge 10:1

?Rongona gua ti igoe o ba totu ao vaga sagata ia Taovia? ?Egua vaga ti o taopoi tanigami kalina e ngoligami na rota?

Binaboli 32:11

Mi tana, ma Moses e ngangai savosavo bâ konina na Taovia nina God me tsaria, “?Lao kiki Taovia, egua te o kore loki sosongo vaga sagata ia vanigira nimu tinoni, igoe nogo o laumaurisigira tania na Ejipt ginia na susuligamu loki?

2 Taovia Tsapakae 21:14

Me sauba kau tsoniligigira na tinoni ara matepitsa tana vailabu, ma kau mologira tana limaqira gaqira gala, migira nogo kara tuliusigira ma kara tamanina niqira kao.

Linge 50:1

God na Taovia Susuliga aia nogo e goko; me soagira sui na tinoni tana barangengo popono, e tû tana e dato na aso me vosa bâ tana e sû.

Linge 77:8

?Laka aia e tau nogo galuvegita? ?Me laka e tau nogo ngaoa na manaliana nina veke e naua vanigita?

Linge 80:5

Igoe o sauvanigami na rota ke lia gamami mutsa, ma na dangana na bilo na kô na matamami kami inuvia.

Linge 85:6

Ko naua migami sauba kami tukakai tugua, migami nimu tinoni sauba kami gini tsonikaeaginigo.

Isaia 64:8

Migoe nomoa Taovia na tamamami igami. Migami ami vaga moa na kao tsitsi, migoe o vaga moa na mane e buloa na kao tsitsi me aqosiginia na popo. Migami sui nina aqo nogo na limamu igoe.