Linge 73:7 - Ghari

⁷ pipi na vata sui na nauseko e rutsumai talu tana tobaqira, mara tau kuti na lave sautuna na aqosiana na tsutsukibo.

Linge 73:7 Referans Kwoze

Jeremia 5:28

mara paquru mara marabu dou. Me utu goto ke sui na nauana niqira sasaga tabaruga. Ara vo saikesa na sangaaqira na baka tinamate, se na sau pedegoto vaniaqira igira ara bingi sekoligira.

Linge 17:10

Mara tau goto galuveau mara goko kaekae sosongo.

Linge 73:12

Aia saikesa nogo e vaga niqira sasaga igira na vanga tsutsukibo. Ara tamaninogoa danga niqira omea, mara tau kuti na adipapabona.

Esekiel 16:49

Maia kolugira na dalena daki ara kaekae rago rongona moa ara tamani danga na mutsa, mara totudou tana rago, mara tau moa dona na gini boe na reitutuguaqira na tinoni ara tau tamanina sa omea, migira goto ara kili sasanga.

Isaia 3:9

Niqira pede kesa tabana ara nau sailaginia sauba ke kidivisu i koniqira segeni. Igira ara sasi malemale vaga moa ara naua igira na tinoni ni Sodom i sau. Me sauba nomoa kara mate, migira segeniqira nogo ara alomaia gaqira matemate.

Linge 119:70

Igira na tinoni girani ara tau lelê sasaga, minau moa au tsodoa gaqu magemage tana muriana nimu ketsa.

Linge 17:14

Ko maurisiau tania na limaqira igira ara tamanina na omea sui ara kilia i lao eni. E dou ti ko kedeginigira na rota vaga igoe o vangarau manogatinogoa vanigira, me ke gini tugugira goto igira na daleqira, me ke kauvisu goto visana turina vanigira na daleqira tetelo i muri.

1 Samuel 25:36

Maia ko Abigail e tû me visutugua i konina a Nabal, aia e totu moa i valena me vangaraua na mutsa loki sosongo e ulagana moa na taovia tsapakae. E ulavia na inu susuliga, me goko kia me mage sosongo, ma ko Abigail e tau goto tsarivania sa omea poi e tsau tana matsaraka na dani ngana.

1 Samuel 25:2

Me totu goto i tana kesa na mane tana duli i konina a Kaleb, a Nabal na soana, maia e totu tana vera ni Maon, me tamani kao i ligisana na vera ni Karmel. Maia e tamani omea danga sosongo, ara tolu toga nina sipi, me kesa toga nina naniqoti. Ma ko Abigail na tauna aia na daki e dou sosongo na rereina me sasaga sosongo, ma na mane ia e matapuku sosongo me laksikore lê. Mi tana tagu ia, ma Nabal e putsiligia na ivuqira nina sipi i Karmel.

Esta 3:11

Ma na taovia tsapakae e tsarivania a Haman, “Igira sui lakalaka na tinoni ma niqira qolo au moloa i limamu igoe. Igoe moa ko pedea na omea gua moa ko nauvanigira.”