Linge 73:1 - Ghari

¹ God aia e dou manana vanigira nomoa na Israel, me vanigira goto igira e male na tobaqira.

Linge 73:1 Referans Kwoze

Mateo 5:8

!Kara gini mage igira ara tobamale; rongona sauba kara reia God!

Linge 51:10

Niqu God, ko naua me ke maletugua na tobaqu. Ko vaolusia na tidaoqu ma kau totukakai i konimu.

Luka 12:32

“Kamu laka na matagu igamu niqu alaala tetelo, rongona God na Tamamui e kilia kamu tamanipata kolua tana susuligana.

Linge 84:11

Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

Iakobo 4:8

Kamu garu baa varangisia God, maia God sauba ke garu mai varangisigamu. Vulia na limamui, igamu na tinoni seko, na papadana amu piloligi nogo tanigira nimui sasi. !Malesia na tobamui, igamu na vanga malapalu!

Ioane 1:47

Mi kalina a Iesu e morosia a Nataniel e maimai, me gini goko tana rongona aia me tsaria, “!Iani e kesa na Israel manana, me voo na malapalu!”

Titus 3:5

Maia e suivisugita tau tana rongona sa sasaga dou igita a naua. Tagara. Mi tana rongona moa nina galuve segeni nogo God, te aia e vulimalegita, me vaolusigita tana Tarunga Tabu.

Roma 4:16

Me vaga ia ma na veke God e naua e vataragi moa tana nina tutuni a Abraham, gana ke gini labamaka laka God e tusulea nina vangalaka vanigira sui na kukuana a Abraham, tau vanigira moa igira ara muria na Ketsa, me vanigira goto igira ara tutunina vaga nogo a Abraham e tutunina. Rongona a Abraham e mala mumuada igita sui lakalaka.

Linge 50:1

God na Taovia Susuliga aia nogo e goko; me soagira sui na tinoni tana barangengo popono, e tû tana e dato na aso me vosa bâ tana e sû.

2 Turupatu Dato 29:30

Ma na taovia tsapakae, migira na tinoni lokiloki, ara tsarivanigira na Levite kara linge vania na Taovia na linge na tsonikae ara ka maregira kaira a David ma Asap na propete. Mi tana, migira sui lakalaka ara linge tana magemage loki kalina ara tsuna tuturu mara samasama vania God.

Jeremia 4:14

Igamu na Jerusalem, kamu malesiligia na omea tabaruga tania na tobamui, gana kamu gini mauri. ?Ke oka koegua sagata ti kamu totu matengana moa na padaana na omea seko i laona na tobamui?

Linge 83:1

!God, ko laka na mui lê moa; ko laka na totudodo ma na tû mui lê moa!

Linge 73:18

!Eo, igoe sauba ko tû mo ko mologira tana nauna e madali sosongo, mo ko naua ma kara puka ma kara mate!

Linge 42:11

?Megua vaga inau ti au melu sosongo vaga ia? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Linge 24:4

Igira moa e male dou niqira sasaga ma niqira papada, mara tau samasama vanigira na god peropero, mara tau goto dona kara naua na veke peropero lê.

Linge 2:6

Me tsarivaganana vanigira, “Inau segeniqu nogo au turuvaginia aia au vilia ke lia na taovia tsapakae, mi Sion nogo tana niqu vungavunga tabu au molovania ke totu.”

1 Turupatu Dato 16:37

Ma David e moloa a Asap kolugira gana sasanga igira na Levite tavosi kara ida kalavata tana aqona na samasama ara naua pipi dani i Jerusalem tana nauana i tana e totu na Bokisi na Taso.

1 Turupatu Dato 16:7

Mi tana dani nogo ia ma David e mologinia a Asap migira gana sasanga na Levite tavosi kara tagaovia na linge na tsonikaeana na Taovia.

1 Turupatu Dato 15:17

Me vaga ia, migira ara viligira na Levite girani kara rekesia niqira tsetsê: a Heman na dalena a Joel, ma Asap na dalena a Berekia ma na kamana a Joel, ma Etan na dalena a Kusaia tana duli konina a Merari. Mara viligira goto na Levite girani kara sangagira ma kara taia niqira itai tatangi e tangi tsepi: igira nogo a Sekaria, ma Jaasiel, ma Semiramot, ma Jehiel, ma Uni, ma Eliab, ma Maaseia ma Benaia. Mara viligira na Levite girani kara taia na itai tatangi e tangi maququ: a Matitia, ma Elipelehu, ma Mikneia, ma Asasia mi kaira na mane matali vale tabu, kaira a Obed Edom ma Jeiel.

1 Turupatu Dato 6:39

Ma Asap aia e raqa linge tana rukanina alaala. Mara tsokovisu vaganana iani na vungu i laona na duli konina ia me visu me ba tsau konina a Levi: a Asap, ma Berekia, ma Simea,