Linge 72:7 - Ghari

⁷ Tana maurina aia, ke gini dato varimauri na pedegoto ma na rago poi ke rodo saikesa na mararana na vula.

Linge 72:7 Referans Kwoze

Isaia 2:4

Maia nogo sauba ke gotosia niqira vaikoregi na puku sui, me ke vaturia na goto i laoqira. Migira sauba kara tupia niqira isi na vailabu me ke lia lê na mani tsaikao tana niqira uta, ma niqira bao ke lia lê niqira gau na aqo. Me sauba ke tagara sa puku ke ngaoa na labuana na puku tavosi, se ke vangarautugua na vano tana vailabu.

Malaki 4:2

Migamu na tinoni amu rongomangaqu inau, sauba na susuligaqu gana na tusumauri ke sinarigamu vaga na aso, ma na lalaina ke maurisiginigamu. Me sauba kamu totu tanusi ma kamu magemage vaga moa na dalena buluka kalina ara sangavi vanigira na matsapana na baraqira, mara gini mage na rutsu ma na ulo bamai i taba.

Linge 92:12

Migira na tinoni ara totugoto i matana God, sauba kara dato magobu dou vaga nogo na gai na niu tana kao dou; ma kara katsi vaga na gai na sida ni Lebanon.

Luka 2:14

“!Soalokia God i gotu vasau, mi lao ke baa na rago vanigira ara dou i matana!”

Isaia 60:22

Me atsa moa aia na tetelona bâ i laoqira sui nimu tamadale, maia goto sauba ke lia kesa na vungu loki. Ma na vungu tetelo bâ, sauba ke pabo babâ goto me ke lia na puku loki susuliga. Mi kalina ke laba na tagu i tana inau au titivaninogoa, minau sauba kau naua ma kara laba tsaku na omea sui girani. !Inau nogo na Taovia!”

Aqoaqo 4:32

Igira sui na tinoni tutuni ara tobasai saikesa pipi tana omea sui. Me tagara sa vidaqira ke tsaria laka nina omea aia e tamanina e tamani segeni. Igira sui moa ara vaipatagi pipi niqira omea levolevo.

Luka 1:33

!Maia goto sauba ke taovia vanigira na duli i konina a Jakob na dani ma na dani; ma nina tamani e utu ke sui!”

Daniel 2:44

“Mi tana niqira tagu na taovia tsapakae girani, maia na God ni baragata sauba ke vaturikaea kesa na verana pukuga, ma na vera iani sauba e utu goto ke taveo. Me tau tangomana kara tuliusia se kara toroutsania, maia moa sauba ke toroutsanigira saikesa pipi sui na vera tavosi, mi muri maia ke totu saviliu na dani ma na dani.

Isaia 60:1

!Ko tukae igoe Jerusalem, mo ko maka vaga na aso! !Na mararana na Taovia e sinarigo nogo!

1 Taovia Tsapakae 4:25

Mi tana tagu popono e mamauri a Solomon, migira sui lakalaka na tinoni tana Juda mi tana Israel ara mauri tsoni tavamuri saikesa, me pipi sui na tamadale ara tamani segeni niqira uta na uaeni ma niqira vuagai mutsamutsa.

1 Taovia Tsapakae 5:4

Mi kalina eni na Taovia niqu God e moloa na rago tana vera ara totu polia na veraqu. Me tagara goto kesa gaqu gala me tau goto laba kesa na omea seko ke sekolia na veraqu.

Sekaria 9:10

Ma na Taovia e tsaria, “Inau sauba kau adiligi tanigira niqira terê na vailabu igira na Israel, ma niqira ose igira na Jerusalem; ma kau biru putsia niqira parige ara gini vanavana tana vailabu. Ma nimui taovia tsapakae sauba ke moloa na rago i laoqira na puku sui; maia sauba ke tagaovi kaputigira na vera sui tû kesa tabana na tasi loki me tsau bâ kesa tabana, me tû tana Kô Euprates, me tsau bâ tana susuina na barangengo.”