Linge 72:6 - Ghari

⁶ Ko sangâ me ke dou nina sasaga na taovia tsapakae, ke dou vaga moa ti na usa e tumutsuna tana poi popono me gini malobu dou na kao.

Linge 72:6 Referans Kwoze

Hosea 6:3

Ida gita ma ka tovokakaia na donaginiana na Taovia. Maia sauba ke mai manana nomoa i konida, vaga nogo na mararana na dani male, me vaga goto na usa e malobusia na kao.”

Na Vaolusi Ketsa 32:2

Niqu sasani sauba ke sangagamu dou vaga kalina na kolobu e pukatsuna tana kao me gini dato dou na buruburu vaolu. Niqu goko sauba kara vaga kalina e tumu na usa me malobusia na omea tsukatsuka vaolu.

2 Samuel 23:4

aia nogo e vaga na mararana na aso kalina e tau parakoga tana matsaraka, me vaga goto na usa e malobusigira na buruburu mara dato dou.”

Linge 65:10

Igoe o molomaia na usa me tumulia na tavugi tana uta, me malobusiginia na kao, kara gini kutsu ma kara dato dou na volana vaolu na omea tsukatsuka.

Isaia 5:6

Ma kau moloa moa na buruburu seko kara poko tsavugira. Me utu goto kau valakasigira na gaina, se kau qari kaoqira goto. Tagara. Sauba kau mololegira moa ma na gai kakaruga ma na itai kokonaga kara dato tsavugira. Ma kau tongo vanigotoa na parako na usa ke tumu tsuna tana niqu uta.”

Goko Tabana 19:12

Nina kore na taovia tsapakae e vaga moa nina kanga na laeone, me ti vaga na tobana ke dou vania ke kesa maia e vaga na usa e malobusia na uta.

Goko Tabana 16:15

Me ti vaga na taovia tsapakae ke tobadou me ke reingaoa kesa tinoni, me sauba ke vangalaka vania, vaga moa kalina na parako e adimaia na usa me malobusia na kao, mara gini dato varimauri na omea tsukatsuka.

Mika 5:6

Mi tana gaqira suguradi nida alaala na mane vaumate sauba kara ba tangolia na Asiria, aia nina kao a Nimrod, ma kara laumaurisigita tania na limaqira na Asiria kalina igira kara mai laka kara sagelia nida votavota.