Linge 72:3 - Ghari

³ Ko naua me ke peluga sosongo na vuana niqira aqo tana vera ia, ma kara vatsangia na douna nimu gotolaka.

Linge 72:3 Referans Kwoze

Isaia 52:7

!E dou sosongo na morosiana aia e adi turupatu mai. E ulo gaukutimai tana vungavunga, me adimaia na turupatu dou, na turupatuna na rago! E katevulagia laka God e laumaurisigira nogo nina tinoni, me tsarivania Sion: “!Nimu God aia nogo e taovia tsapakae!”

Joel 3:18

Mi tana tagu ia, ma na uta na uaeni kara pokotsavu poponogira na vungavunga, migira na buluka kara viri mutsamutsa bamai tana tetena, me sauba ke tsatsalitavetugua na kô tana okooko mamatsa i laona na Juda. Me kesa na ko tsatsali sauba ke talumai i laona nina Vale Tabu na Taovia me ke ba malobusia na Poi ni Akasia.

Daniel 9:24

“God e titinogoa laka e kau goto ke vitu kalina vitu sangavulu na ngalitupa ti aia ke maurisigira nimu tinoni igoe ma nimu vera tabu, ma kara totu tanusi tania niqira sasi ma niqira nauseko. Sauba God ke padalegira niqira sasi, me ke turuvagini kakaia na pedegoto, me ke balo visutugua na Vale Tabu. Mi tana nauvaganana nogo ia ti God sauba ke manaliginia na omea o morosia tana bolebole ma na omea na propete e kate idanogoa.

Linge 72:16

Mi tana nina kao nogo ia kara dato danga sosongo na sila, migira na vungavunga ke tsavugira popono na omea tsukatsuka, ma kara lakaga dou vaga tana kao lakataga i Lebanon. Migira na tinoni kara viri danga pipi tana vera, vaga moa na buruburu e dangalia na lelegai popono.

Linge 65:12

Na sipi ma na buluka ara mutsamutsa tana e dato dou na buruburu, ma na uta danga ara viri dato dou tana tetena mara gini magemage loki.

Isaia 45:8

“Igoe na masaoka, migamu na parako, kamu qetutsunamai na tagu dou vanigira na tinoni sui, vaga moa kalina na usa e tumutsuna me malobusia na kao. Me sauba ti igira kara totu tanusi, me ke laba na pedegoto tana barangengo. Inau nogo na Taovia sauba kau naua ma kara laba na omea sui girani.”

Isaia 60:17

“Minau sauba kau oliginia na qolumila nimu tapalamila, ma na siliva nimu tapalalaka. Ma kau oliginigotoa na tapalamila nimu tiba, ma na tapalalaka nimu vatu. Migira nimu tagaovera e utu nogo kara bingi sekoligo, minau sauba kau naua migira kara gini tagao na pedegoto ma na rago.