Linge 72:16 - Ghari

¹⁶ Mi tana nina kao nogo ia kara dato danga sosongo na sila, migira na vungavunga ke tsavugira popono na omea tsukatsuka, ma kara lakaga dou vaga tana kao lakataga i Lebanon. Migira na tinoni kara viri danga pipi tana vera, vaga moa na buruburu e dangalia na lelegai popono.

Linge 72:16 Referans Kwoze

Na Katemai 7:9

!Mi muri mau momoro ba goto, mau reigira kesa na alaala loki sosongo baa na tinoni, e utu na tsokoraeaqira! Igira ara talumai pipi sui tana mamatana tinoni ma na puku, me pipi sui na duli i laona pipi vera, me pipi sui tana vatana na goko. Mara mai tutuu i matana na sasana na totukae mi matana na Dalena Sipi. Ara sagelia na polo sere katsi, mara tangolia na gabana na koirou tana limaqira.

Aqoaqo 4:4

Mara danga rago nomoa na tinoni ara rongomia ka niqira sasani mara gini tutunina; mara tsaulia nogo gana ngongo tsege na toga na tinoni.

Aqoaqo 2:41

Mara danga vidaqira ara gini tutunina nina goko, mara lesovitabu. Mara gana ngongo tolu na toga na tinoni ara pabo i laoqira na tinoni tutuni tana dani ia.

Aqoaqo 1:15

Me kesa dani kalina igira na tinoni tutuni ara totu sai vaganana ia, mara gana ngongo kesa sangatu rukapatu igira sui kolu, me tuu a Petero, me tuturiga na goko me tsaria,

Jeremia 33:22

Me sauba kau paboa na dangaqira na kukuana a David niqu maneaqo, migira goto na manetabu tana puku konina a Levi, me ke gini utu na tsokoraeaqira, vaga nogo e utu na tsokoraeaqira na veitugu tana masaoka, ma na vatu na one i tasi.”

Isaia 35:2

Na kaomate sauba ke lilinge me ke gudato tana mage; me sauba ke rereidou saikesa vaga nogo na Vungavunga ni Lebanon, migira na omea tsukatsuka i laona sauba kara dato magobu dou saikesa, vaga moa i laona na uta tana Vungavunga Karmel, mi tana poiatsa ni Saron. Mi tana tagu ia migira na tinoni sui sauba kara reivulagia gana loki tsapakae na Taovia, ma na susuligana loki nida God.

Isaia 32:20

migamu nina tinoni na Taovia sauba nomoa kamu totu raviravi dou, ma kamu mage sosongo rongona e dadanga na kô gana na malobusiaqira nimui omea tsukatsuka, me ke dato varimauri dou na buruburu pipi moa tana nauna gaqira na asi ma na buluka.

Isaia 32:15

Maia God sauba ke molomaitugua nina tarunga. Migira na kao seko lê sauba ke liatugua na kao lakataga, ma kara dato dou danga sosongo na omea tsukatsuka i laona.

Isaia 30:23

Mi kalina igamu kamu tsukagira nimui omea tsukatsuka, ma na Taovia sauba ke molomaia na usa gana kara gini dato dou, ma kamu tsurivia ke danga na lakana, me ke danga goto gaqira buruburu nimui omea tuavati.

Isaia 29:17

Eo, sauba ke tau oka ma na goana atsi sauba ke lia na kao na aqo uta, ma na kao na aqo uta sauba ke lia tugua na goana atsi.

Linge 104:16

Ma na usa e tumutsuna dou i koniqira na gai na sida ni Lebanon igira nina gai segeni nogo na Taovia, aia nogo e tsukagira.

Linge 72:6

Ko sangâ me ke dou nina sasaga na taovia tsapakae, ke dou vaga moa ti na usa e tumutsuna tana poi popono me gini malobu dou na kao.

Nina Papi A Job 8:7

Maia sauba ke tusuvanigo tugua ke danga sosongo bâ nimu omea me ke liusia bâ na omea o tamanina tana idana.

Nina Papi A Job 5:25

Ma na dalemu ma na kukuamu sauba kara danga sosongo vaga saikesa nogo na rauqira na buruburu tana kao.

1 Taovia Tsapakae 4:20

Migira na tinoni ni Juda mi Israel ara danga vaga moa na vatuna na one i tasi; igira sui ara mutsa masu mara inu dou mara magemage.

Na Katemai 7:14

Minau au gokovisu mau tsarivania, “Au tau goto dona inau, taovia. Igoe moa o dona.” Maia e gokomai vaniau tugua me tsaria, “Na tinoni girani, igira nogo ara putsi tania na rota loki sosongo e gadovigira. Ara vulimalesigira nogo na poloqira tana gabuna na Dalena Sipi, mara gini seremaka tugua.