Linge 72:11 - Ghari

¹¹ Eo, igira sui lakalaka na taovia tsapakae sauba kara ba tsuporu i matana; migira na tinoni sui sauba kara aqo vania.

Linge 72:11 Referans Kwoze

Na Katemai 11:15

Mi muri, ma na vitunina na angelo e uvia nina tavuli. Mau rongomia na tatangina na goko dangadanga i baragata ara viri guu mara tsaria, “!Kalina nogo ia, kaira God ma na Dalena, aia nogo na Mesia, ara ka tagaovi kaputigira na vera sui tana barangengo popono, me sauba aia nogo ke tagao pukuga na dani ma na dani!”

Linge 86:9

Igira sui na puku na tinoni igoe o aqosigira, sauba kara mailaba i matamu ma kara tao tsuporu sui vanigo, ma kara tsonikaea gamu loki tsapakae.

Na Katemai 21:26

Me pipi sui niqira tamani na vera sui sauba kara adisaigira mai moa i laona na verabau ia.

Na Katemai 21:24

Migira na tinoni sui tana barangengo sauba kara liu moa tana mararana aia, migira na taovia tsapakae na barangengo sauba kara adimaigira na vangana sui niqira tamani i laona.

Na Katemai 17:14

Mi tugira sauba kara tu gini vailabugi kolua na Dalena Sipi. Maia na Dalena Sipi kolugira nina tinoni segeni, igira aia e viligira sui nogo, me kolugira goto igira ara muridoua nina goko, sauba kara sugutitugira na sangavulu na taovia tsapakae, rongona na Dalena Sipi aia nogo e Taovia Loki vanigira na taovia loki sui, me Taovia Tsapakae vanigira goto na taovia tsapakae sui.”

Isaia 54:5

Inau nogo au vusago, mau lia na savamu. Ma na Taovia Susuliga Sosongo, aia nogo na soaqu inau. Inau na God tabu ni Israel sauba kau laumaurisigo, inau nogo au tagaovi kaputia na barangengo popono.

Roma 11:25

Gamu na tasiqu, e totu kesa na rongona popoi tana nina aqo God. Mau ngaoa igamu goto kamu sanga na donaginiana, ma kamu gini tau pada laka igamu amu sasaga liuliu baa tanigira na Tsiu. E mana rago laka na dangana na tinoni ni Israel ara baribari sosongo, me utu moa kara nauvaganana sailagi ia. Sauba ke vosa baa moa tana tagu ke tovu na dangana na tinoni ni veratavosi kara mai konina God.

Isaia 49:7

Na God tabu, aia na vagamaurina na Israel, e goko vania nina maneaqo aia ara reisavi sosongolia igira na puku tavosi sui, me totu mala tseka vanigira na tinoni tagao, me tsarivani vaganana iani, “Igira na taovia tsapakae ma na tinoni lokiloki sauba kara morosigo igoe kalina ko totu tanusi, ma kara tû ma kara tsuporu tsuna i matamu tana kukuni. Na omea vaga iani sauba ke laba manana, rongona inau na Taovia na God tabu ni Israel au viligo nogo ko lia niqu maneaqo, me utu goto kau tau manalia na omea inau au vekenogoa vanigo.”

Isaia 11:9

I Sion, nina vungavunga tabu God, i tana sauba ke tau goto totu sa omea ke dona na sekoli tinoni, rongona God sauba ke dangali poponoginia na barangengo nina sasaga loki, vaga nogo na tasi e dangali poponoa na kema.

Tsoko Tinoni 24:7

Ma na usa sauba ke tumu sailagi i koniqira na Israel, ma kara tsukagira niqira omea i laona na kao malobu dou sosongo. Ma niqira taovia tsapakae sauba ke loki liusia bâ a Agag, maia ke tagaovi kaputigira na vera danga.

Mika 7:17

Ma kara tere bamai tana papasa vaga moa na muata; ma kara gagariri ma kara laba rutsumai talu tana niqira valekakai ara barapoliginia na vatu, ma kara mai tû i matamu igoe na Taovia nimami God.