Linge 71:7 - Ghari

⁷ Danga na tinoni ara morosia na omea ara laba vaniau inau, mi tana nogo igira ara gini dona laka igoe nogo o susuliga mo ravisiau.

Linge 71:7 Referans Kwoze

Isaia 8:18

Mieni nogo inau kolugira na dalequ aia na Taovia e tusugira vaniau nogo. Na Taovia Susuliga Sosongo, aia e totukae tana nina sasana na totukae i kelana na Vungavunga Sion, e molovanogami kami lia vaga nogo na goko mamauri vanigira na tinoni ni Israel.

1 Korint 4:9

Me vaga moa tana niqu moro inau, tasiqu, laka God e tusuvanigami, igami nina apostolo, na sasamami i muri tsotsodo, vaga nogo ti na tinoni ara pede vaninogoa ke mate malemale i mataqira na angelo ma na tinoni sui.

Aqoaqo 4:13

Migira sui na tinoni loki tana Saikolu ara gini novo loki na reiana ka niqira malagai kaira a Petero ma Ioane, ma na rongomiana laka kaira ara ka tinoni lee moa, mara ka tau lelee sasani sa nauna. Migira ara padatugua laka kaira nogo ka ruka gana dulikolu a Iesu.

Jeremia 16:19

Taovia, igoe nogo o reitutuguau mo susuligasiau; migoe goto nogo o sangaau tana tagu e gadoviau na rota loki. Migira na puku sui pipi sui tana nauna, tû kesa tabana na barangengo, me tsau bâ tabana, sauba kara mai ma kara tsaria, “Niqira god na mumuamami igami na god peropero moa. E utu saikesa kara naua sa omea kara sangaginigami.

Linge 62:7

God segenina moa e maurisiau me molokaeau; maia segenina moa niqu reitutugu susuliga; maia nogo niqu mani toturavi.

Luka 2:34

Ma Simeon e tabutugira, me tsarivania ko Maria na tinana na baka, “God nogo e vilia na baka iani, me sauba na dangana i laoqira na Israel kara tubulagi i konina, ma na dangana aia sauba ke suivisugira. Maia sauba ke sauvulagia na omea God e kilia i koniqira, migira na dangana sauba kara tuu ma kara sove tania moa,

Sekaria 3:6

Mi tana ma na angelo e tsarivania a Josua laka

Linge 61:3

rongona igoe nogo niqu reitutugu, o susuliga mo sugutigira gaqu gala.

Linge 62:8

Igamu niqu tinoni kamu noru sailaginia moa God. Katevulagia vania aia pipi na omea sui e ngoligamu, rongona aia nogo nida mani totu raviravi.

Linge 62:9

Na tinoni sui lakalaka ara vaga saikesa moa ti na guguvina tetelo lê moa na magomago; igira sui tû tana lokina me tsau tana tetelona e tau lelê goto tugugira sa omea. Molokaegira tana omea na tovomamava, ma gaqira mamava e tau goto tugua sa omea; ara malamala lê liusia na malamalana kesa na guguvina tetelo na mamagona tinoni.

Sekaria 3:8

Me vaga ia, mo ko rorongo dou igoe a Josua na Mane Tabu Loki. Ma kamu rorongo dou goto igamu sui na manetabu gana sasanga nogo aia, igamu amu lia vaga na papadana na mauri doulaka sauba ke laba tana tagu ke mai: Inau sauba kau adimaia i matamui kesa niqu maneaqo aia ara soaginia Na Arana Gai.