Linge 71:15 - Ghari

¹⁵ Me sauba kau tau kuti na gini turupatuna tana rongona nimu doulaka saviliu; mi tana dani popono sauba kau gini goko moa na douna nimu sasaga igoe o maurisiginiau, atsa moa ti e utu vaniau moa na padagadoviana.

Linge 71:15 Referans Kwoze

Linge 40:5

!Igoe nogo o Taovia mo nimami God mo naugira vanigami danga na omea; me tagara goto ke kesa ke atsa kolugo igoe! Igoe nogo o naumanogati vanigami danga na omea dou sosongo. !Me utugana saikesa vaniau kau tsaritutugugira sui, rongona igira ara danga seko sosongo!

Linge 35:28

Mi tana nogo ti sauba inau kau katevulagia laka igoe Taovia o gotolaka, ma kau tsonikaego sailagi na dani popono.

Linge 145:2

Pipi dani moa sauba kau soadougo, ma kau soalokia na asamu na dani ma na dani.

Linge 71:8

Tana dani popono inau au tsonikaego igoe mau katevulagia gamu loki tsapakae.

Linge 89:16

Tana rongomu nogo igoe, ti igira ara gini totu magemage tana dani popono, mara soalokigo tana rongona nimu galuve loki vanigira.

Linge 71:24

Eo, tana dani popono inau sauba kau gini turupatuna tana rongona nimu gotolaka tsapakae igoe, rongona igira ara tovoa laka kara sekoliau inau e tau lelê managaqira me paluvangamaqira lê.

Linge 30:12

Vaga ia, me sauba e utu saikesa vaniau kau totu mui lê; sauba nomoa kau linge ma kau tsonikaego igoe. Taovia igoe nogo niqu God, me sauba kau soadougo na dani ma na dani.

Linge 40:12

!Inau e danga sosongo na omea seko ara totupoliau, eo, ara danga sosongo me utu na tsokoraeaqira! Niqu sasi ara poropoliau sosongo, me utugana vaniau kau moro; ara danga liusigira na kolina na ivuqu i lovaqu, mau tau saikesa goto malagai.

Tinoni Pede 5:11

!Kamu rorongo! !Na toga ara galaleleo polia na tuvu mara gini gogoko sosongo tana rongona gana tangomana na Taovia, ma gaqira tangomana igira na tinoni ni Israel! Mi muri ma nina tinoni na Taovia ara ala tsunamai tana matsapana niqira verabau.

1 Turupatu Dato 16:23

!Linge vania na Taovia igamu na momoru taligu! Pipi dani kamu katevulagia laka aia nogo e maurisigita.

Linge 40:6

Taovia, igoe o tau kilia na kodoputsa ma na sausau; mo tau goto nongia laka kara savori-kodokodo vanigo na omea tuavati tana belatabu, na mani sese mateqira na sasi. Tagara, migoe o sauvaniau na kuliqu gana kau rongomiginigo,

Linge 51:16

Igoe o tau nogo kilia na tinoni kara savori-kodoputsa vanigo. Me ti vaga inau kau nauvanigo na savori-kodokodo, migoe e utu goto ko reingaoa.

Linge 73:28

!Minau moa e dou sosongo bâ vaniau na totu varangisiamu igoe niqu God, ma na totu raviravi dou i konimu igoe niqu Taovia ma niqu God, ma na katevulagiana na omea dou sui igoe o naugira!

Goko Tabana 5:2

Mi tana ti sauba ko parovata tana omea sui ko naua, ma nimu goko sauba ke sauvulagia laka igoe o donalevo.