Linge 71:14 - Ghari

¹⁴ I konimu segeni moa igoe, inau sauba kau vataraginia niqu amesi; sauba kau tsonikaego babâ moa igoe.

Linge 71:14 Referans Kwoze

Linge 130:7

Igamu na tinoni ni Israel, kamu norukakaia na Taovia, rongona nina galuve e vo oli, maia e padangao sailaginia ke maurisigira nina tinoni.

1 Ioane 3:3

Me pipi sei e amesia laka ke tsaulia na omea vaga ia, ma nina aqo ke tovo segenia ke maledou na maurina, vaga nogo a Iesu Kristo aia e maledou saviliu na maurina.

Tangitangi 3:26

Me vaga ia, me dou bâ vanigita ka berengiti ma ka pipitu poi tsau kalina ke mai me ke laumaurisigita.

Linge 71:6

Tana mauriqu popono au vataragi i konimu segeni moa igoe; migoe nogo o reitutuguau tû tana dani au botsa. Minau sauba kau tsonikaego sailagi.

Linge 43:5

?Megua vaga inau te au melu sosongo vaga ia? ?Megua ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua, aia niqu vagamauri ma niqu God.

1 Petero 1:13

Baa, me ti ke vaga ia, migamu nimui aqo ti kamu manogatia nimui papada gana na muridouana nina kili God. Kamu mamata, ma kamu kalavatavi saikesalia nimui amesi tana omea loki God sauba ke tusuvanigamu tana Dani i tana ke visumaitugua a Iesu Kristo.

Hibru 10:35

Vaga ia, ma kamu laka na pukavisu lee taniana nimui tutuni, rongona sauba ke loki sosongo na peluna God ke sauvanigamu.

Tangitangi 3:21

Me atsa moa e vaga ia, ma na amesi e dangaliau tugua kalina au padatugua na omea iani:

Pilipi 1:9

Au nongia God vanigamu rongona ke gini susuliga babaa nimui vaigaluvegi, ma kamu gini donaginia nagua e goto me mana,

1 Tesalonika 4:10

Mamu nauvaganana nogo kolugira na tasida Kristiano tana Masedonia popono. Mi kalina ia, tugami ami tu ngasugamu igamu na tasimami, kamu naudougotoa baa.

Nina Papi A Job 13:15

Me atsa moa ti vaga God ke labumatesiau, mi konina aia segeni lelê moa au dona kau vataragi, Maia nogoria na rongona ti niqu aqo kau isutuguqu segeni i matana aia.

2 Petero 3:18

Ke dato babaa i tobamui nina vangalaka God, ma kamu gini padagadovidoua baa na sasani tana rongona a Iesu Kristo nida Taovia ma nida Vagamauri. Aia igita ka tsonikaea i dani eni, mi tana dani ma na dani. Amen.

Tangitangi 3:24

Mau tsaria, “Taovia igoe segeni moa au tamanina inau, mi konimu nogo au vataraginia niqu amesi.”

Tangitangi 3:25

Eo, na Taovia e dou sosongo vania asei moa e norua aia.