Linge 7:9 - Ghari

⁹ Igoe nogo God o gotolaka, mo pede gotosia pipi na papada ma na kili ara totu popoi i laona na tobamami. Ko utusia niqira sasaga tabaru igira na tinoni sasi, mo ko saupeluna vanigira na tinoni e goto na tobaqira.

Linge 7:9 Referans Kwoze

Jeremia 11:20

Mi muri, minau au nonginongi vaga iani, “Taovia Susuliga Sosongo, igoe nogo o dona na gini pede na pedegoto laka; mo dona na tovoana niqira papada ma na tobaqira na tinoni. Inau au molo segeniqu i limamu igoe; me vaga ia, mo ko tamivaniau kau morosigo kalina ko tangotugu i koniqira na tinoni girani.”

Jeremia 17:10

Inau na Taovia au vilekedoua i laona nina papada pipi tinoni, mau tovolea na sasagana, mau pedea pipi tinoni taonia nina omeomea segeni, ma nina aqo aia e naugira.”

Jeremia 20:12

Migoe segeni moa Taovia Susuliga Sosongo o dona na pedegoto, mo donaginia na omea e totu i laona na tobaqira ma na papadaqira na tinoni sui. Me vaga ia, mau nongigo ko tamivaniau kau reigo igoe kalina ko tangotuguqu i koniqira gaqu gala, rongona inau au noru saikesaligo moa igoe Taovia.

1 Turupatu Dato 28:9

Mi tana ma David e gokovania a Solomon me tsaria, “Dalequ igoe, nimu aqo nomoa ko padalokia nina God na tamamu, mo ko tamia na aqo dou vania tana tobamu popono mi tana papadamu popono. Aia e donaginia pipi sui nida papada ma nida kili igita. Me ti vaga igoe ko vataragi i konina aia, maia sauba ke tabego; me ti vaga igoe ko piloligi tania, maia sauba ke piloligi sailagi tanigo goto igoe.

1 Samuel 16:7

Ma na Taovia e tsarivania a Samuel, “Ko laka na gini boe na morosiana na katsina ma na rereidouna aia. Inau au sove tania moa aia, rongona inau au tau dona na moro vaga igamu na tinoni lê. Na tinoni lê e morosia moa na rereina tinoni, minau au moro bâ i laona tobana.”

Na Katemai 2:23

Me sauba kau labumatesigira goto igira sui ara muria nina sasani ko Jesebel. Mi tana ti igira na tinoni tutuni sui pipi tana saikolu na lotu, kara gini dona laka inau nogo au donaginia pipi sui niqira papada ma niqira omeomea na tinoni. Me sauba kau sauvanigamu tatasa pipi gamu sui na peluna vaga e tugua nimui aqo amu naua.

Linge 139:1

Taovia, igoe o vilekeau, mo donaginiau popono nogo.

Linge 44:21

migoe sauba ko donaginia nomoa, rongona igoe nogo o donaginigira na omea sui ara totu popoi i laona na tobana tinoni.

Linge 37:23

Na Taovia e tudumia na tinoni tana sautu tana ke liu me reitutugugira igira ara dou i matana.

Linge 26:2

Ko vilekea na laoqu mo ko tovoleau Taovia; ko pedea na laona na sasagaqu ma na papadaqu.

Linge 11:5

Aia e vilekegira na douna ma na sekona tana atsa; me reisavi sosongoligira igira ara dona moa na sekoli tinoni.

Linge 10:15

Ko adipukalia na susuligaqira na tinoni vanga tsutsukibo ma na tinoni vanga nauseko; mo ko kedegira tana rongona na omea seko ara naua poi ke tsau kalina kara tau naugotoa.

Roma 16:25

!Igita ka tsonikaea nida God! Aia moa tangomana ke sangagamu ma kamu gini tukakai i laona nimui tutuni tana Turupatu Dou tana rongona a Iesu Kristo, aia nogoria na tutuni vaga inau au gini turupatuna vanigamu. Aia God segenina nogo e adilabatia na manana e punupunu oka nogo vanigira na tinoni tuu i sau vasau.

Linge 17:3

Igoe nogo o donaginia na laona na tobaqu. Igoe o mai nogo i koniqu tana bongi, mo vilekegira sui niqu sasaga. Mo tau goto tsodoa ke kesa na omea seko i laoqu.

Aqoaqo 12:23

Mi kalina tsotsodo nogo ia, e kesa nina angelo na Taovia e labusaginia a Herod, rongona e tamia na tinoni kara pada mamavasia ia liusia God. Ma na meri ara gania na tobana, me gini mate.

Linge 58:6

Niqu God ko tû mo ko bokua na livoqira na laeone veveiga girani.

Linge 10:18

Me sauba ko rongomigotoa niqira ngangaidato igira na baka tinamate, migira ara bingisekoligira; migoe segenimu nogo sauba ko sogogaqira, ti ke gini utugana vanigira na tinoni lê na molo matagu goto vaniaqira.

Daniel 11:45

Sauba ke vaturikaegira nina valepolo loki na taovia tsapakae tana ka gaqira levuga na tasi ma na vungavunga i tana e tukae na Vale Tabu. Mi tana nogo sauba aia ke mate lê, me ke tagara goto ke kesa ke sangâ.

Linge 40:2

Me tû me raqadatoau tania na qiluna na mate, me tanigotoa na bilolona na kao. E molokaea na tuaqu tana vatu mau tsotso tana kakaina.

1 Samuel 2:9

“Aia e reitutugudoua na mauriqira igira ara totukakai i konina, migira na vanga tsutsukibo ara tavongani nanga lê i laona na rodo; rongona e tagara ke kesa tangomana ke naua sa omea tana susuligana segeni.

Iude 1:1

Inau a Iude, inau kesa gana duli a Iesu Kristo ma na tasina a Iakobo, au mare baa vanigamu na leta iani. Igamu sui aia God Tamana e galuvegamu me viligamu, ma Iesu Kristo e reitutugugamu.

1 Petero 5:10

Amu vatsangiragoa na rota kalina eni. Me sauba i muri ke tau oka, ma God na Taovia vangalaka, aia e viligamu kamu gini tamanina pata na mararana saliu kolua a Iesu Kristo, aia segenina nogo sauba ke vaolusigamu, me ke kakaisigamu, me ke sangagamu ti kamu gini susuliga na tukakai sailagi tana nimui tutuni.

1 Tesalonika 3:13

Maia ke kakaisigamu tana sasaga laka, migamu sauba kamu totu male dou saikesa i matana nida God na Tamada tana dani a Iesu nida Taovia ke labamai kolugira sui aia e tamanigira.

Tuturigana 20:5

Ma Abraham segenina nogo e tsaria laka aia na tasina, maia goto ko Sara e tsarivaganana goto ia. Inau au maka saikesa i laona na tobaqu kalina au naua na omea iani, mau tau aqosia sa sasi.”

1 Taovia Tsapakae 8:32

migoe Taovia, tû i baragata ko rongomia mo ko vilekedoua niqira sasaga nimu tinoni aqo, mo ko kedea vaga e ulagana aia e tsukia na sasi, mo ko nusilea aia e tinoni dou me tau tsukia sa sasi.

Linge 9:9

Na Taovia aia niqira raravi igira ara bingi sekoligira, maia niqira nauna agana na tsogoravi kalina ti ke laba na tagu seko.

Linge 18:21

Inau au muridoua nina ketsa na Taovia. Mau tau goto piloligi tania niqu God.

Linge 35:23

Ko aligiri Taovia mo ko isutuguqu; ko tsaku niqu God mo ko sogogaqu.

Linge 43:1

!Niqu God kiki, ko sauvulagia laka inau au tau sasi, mo ko isutuguqu tania na limaqira igira ara peago igoe, ko maurisiau tanigira na tinoni vanga pero migira na tinoni seko!

Linge 96:10

Ma kamu katevulagia vanigira na puku tavosi sui laka “!God aia segeni moa e taovia tsapakae! Aia nogo e vaturikakaia na barangengo, me utu goto ke ratsu bamai; me sauba aia nogo ke pedegira na tinoni sui tana pedegoto.”

Linge 96:13

rongona na Taovia e mai nogo na pedeana na barangengo. Maia sauba ke pedegira na tinoni sui tana barangengo tana pedegoto ma na pedelaka.

Linge 98:9

rongona aia e mai nogo na pedeana na barangengo. Maia sauba ke pedegira na tinoni sui tana barangengo tana pedegoto ma na pedelaka.