Linge 7:7 - Ghari

⁷ Me vaga ia, mo ko adisaigira pipi sui lakalaka na toga ma kara totu poligo, migoe ko tagaovi kaputigira popono tû tana sasamu i gotu vasau.

Linge 7:7 Referans Kwoze

Na Katemai 19:2

Ara mana mara gotolaka sui nina pede. Aia e kede suinogoa na rebi loki e sasilaginia na barangengo popono ginia nina nauseko. Eo, God e kedenogoa, rongona aia e labumatesigira nina tinoni aqo.”

Na Katemai 18:20

!Ko magemage igoe na baragata, migamu sui goto nina tinoni God, migamu na apostolo ma na propete, rongona God e pedenogoa na vera loki ia tana rongona na omea seko aia e naua vanigamu!

Isaia 57:15

“Inau nogo na God tabu loki mau totu saviliu. Inau au totu i gotu vasau tana nauna tabu, mau totu goto i laoqira na tinoni ara totu palatsuna mara padasavia niqira sasi, gana kau kakaisia na tobaqira, ma kara gini mauri doutugua.

Linge 138:6

E atsa moa ti igoe o paladato bâ i gotu vasau, migoe o arago sosongoligira nomoa igira ara totu palatsuna, migira ara kaekae e tau tangomana vanigira kara taopoi tanigo igoe.

Linge 93:4

Migoe Taovia o susuliga sosongo i gotu i baragata, susuliga liusia bâ na kararana na baro i levugana na kema, susuliga liusia bâ na panuna na tasi.

Linge 48:11

!Kara gini magemage na toga sui ni Sion! Pipi sui nimu pede igoe o naua ara mana sui. !Kara gini magemage igira ara totu i laoqira na verabau ni Juda!

Linge 35:23

Ko aligiri Taovia mo ko isutuguqu; ko tsaku niqu God mo ko sogogaqu.

Linge 43:1

!Niqu God kiki, ko sauvulagia laka inau au tau sasi, mo ko isutuguqu tania na limaqira igira ara peago igoe, ko maurisiau tanigira na tinoni vanga pero migira na tinoni seko!

Linge 59:5

!Ko tû tsaku, Taovia God Susuliga Sosongo, ko mai mo ko sangaau; igoe na God ni Israel igoe segeni ko reigira igira! !Ko mamata, mo ko kedegira na tinoni ponotoba girani; mo ko laka goto na gaeaqira na tinoni vanga tabaru vaga gira!