Linge 7:6 - Ghari

⁶ !Ke botsalaba na koremu Taovia! Ko tukae, mo ko tukapusia niqira momosatoba igira gaqu gala. Ko tavurake segenimu mo ko sogogaqu inau. Na pedegoto saikesa moa aia nogo igoe o kilia.

Linge 7:6 Referans Kwoze

Linge 44:23

!Ko mamata Taovia! ?Egua te o mamaturu moa? !Ko tû! !Ko laka na sove tanigami saikesa!

Linge 35:23

Ko aligiri Taovia mo ko isutuguqu; ko tsaku niqu God mo ko sogogaqu.

Linge 3:7

!Taovia ko mai! !Niqu God, ko maurisiau! Ko kedegira sui gaqu gala, mo ko pualasilea gaqira susuliga gana na sekoliginiaqu.

Isaia 33:10

Na Taovia e goko vanigira na puku sui me tsaria, “Mi kalina ia inau sauba kau tû ma kau sauvulagi vanigamu na susuligaqu loki, migamu sauba kamu tsonikaeginiau.

Linge 138:7

Atsa moa ti e gadoviau na rota danga, migoe o maurisiau. Igoe o sugaria niqira momosatoba gaqu gala, mi tana susuligamu o laumaurisiau.

Linge 44:26

!Ko mai mo ko sangagami! !Tana nimu galuve vo oli ko maurisigiami!

Isaia 51:9

!Ko mamata Taovia mo ko sangagami! Ko gini aqo na susuligamu vaga nogo o naua i sau mo ko laumaurisigami. Igoe nogo o labu tsapitsapia Rahab aia na tuqana vigo na omea mamauri ni tasi.

Isaia 37:20

Mi kalina ia, Taovia nimami God, ko laumaurisigami tania na limaqira na Asiria, mi tana ti igira na puku sui tana barangengo popono sauba kara donaginia laka igoe segeni moa o God mana.”

Isaia 3:13

Na Taovia e totu nogo tana nina sasana na pede; maia e vangaraunogoa na pedeaqira nina tinoni.

Linge 103:6

Na Taovia e gotolaka i laona pipi nina aqo, me pedegoto tabana koniqira igira ara bingi sekoligira.

Linge 78:65

Mi tana susuina, maia na Taovia e mamata me tû vaga moa ti aia e vasini mamata tania na maturu; e vaga saikesa moa kesa na mane susuliga e ulavia na uaeni.

Linge 74:3

Liu bâ i tana, mo ko reigira na omea sui ara toroutsa sui nogo; igira nogo gamami gala ara sekoligira sui lakalaka na omea levolevo i laona na Vale Tabu.

Linge 73:20

Igira ara vaga moa na bolebole e nanga tsaku lê tana matsaraka; mi kalina igoe Taovia o aligiri na tû, migira sui ara viri nangaligi lê.

Linge 59:5

!Ko tû tsaku, Taovia God Susuliga Sosongo, ko mai mo ko sangaau; igoe na God ni Israel igoe segeni ko reigira igira! !Ko mamata, mo ko kedegira na tinoni ponotoba girani; mo ko laka goto na gaeaqira na tinoni vanga tabaru vaga gira!

Linge 35:1

!Taovia, ko tukapusigira igira ara tukapusiau, mo ko vailabu kolugira igira ara vailabu koluau inau!

Linge 12:5

Ma na Taovia e tû me tsaria, “Eo, mi kalina ia inau sauba kau mai, rongona ara bingi sekoligira igira ara tau tamanina sa omea, mara kukungu tana rota igira ara kilia na sasanga. Minau sauba kau ravisigira ma kara gini totu dou vaga ara amesi sosongolinogoa ke laba vanigira.”

2 Samuel 17:14

Maia Absalom migira sui na Israel ara tsaria, “Nina totogoko a Husai e dou liusia bâ nina totogoko a Ahitopel.” Na Taovia e pede idanogoa laka kara tau muria nina totogoko sasaga a Ahitopel, rongona ke gini labavania a Absalom na omea seko loki.

Linge 143:3

Aia gaqu gala e takuviau me tsogori pukaliau saikesa. Maia e tsonisageau tana rodo pulipuli, mau vaga saikesa nogo igira ara mate oka nogo i sau vasau.