Linge 7:5 - Ghari

⁵ !mi tana, me dou moa ti igoe ko tamivanigira gaqu gala kara takuviau ma kara tangoliau, ma kara tsoni pukaliau i lao ma kara labumatesiau, ma kara moloau kau tsaro mate lê tana kao!

Linge 7:5 Referans Kwoze

Malaki 4:3

Mi tana dani kalina inau kau nauvaganana ia, me sauba igamu kamu tsogori pukaligira na tinoni vanga nauseko, migira sauba kara lia vaga na papasa lê i vavana na tuamui.

Sekaria 10:5

Migira na tinoni ni Juda sauba kara vaga moa na mane vaumate susuliga ara tsogori pukaligira gaqira gala i laona na boko tana sautu loki. Sauba kara vailabu susuliga, ma kara tuliusigira gaqira gala atsa moa igira ara sage tana ose, rongona na Taovia nogo e totu kolugira.

Habakuk 3:13

Migoe o nauvaganana nogo ia, ti ko gini laumaurisigira nimu tinoni, kolugotoa nimu taovia tsapakae vivili. Migoe o labu pukalia gaqira ida igira na vanga tsutsukibo mo matesiligigira sui igira ara tsarimurina.

Jeremia 17:13

Taovia, igoe nogo niqira amesi na Israel. Migira sui ara piloligi tanigo igoe sauba kara paluvangamaqira. Igira sauba kara nanga lê, vaga moa na soa ara maregira tana papasa lê, rongona ara tsonikidamu igoe na Taovia na uluna na ko maroga.

Isaia 63:3

Ma na Taovia e tuguvisua me tsaria, “Inau au tsogori rapasigira na puku sui vaga moa kalina na tinoni e tsogori rapasigira na vuana uaeni, me tau goto mai sangaau ke kesa. Eo, inau au tsogori rapasigira tana korequ loki, ma na gabuqira nogo e tsirika poponoa na poloqu.

Isaia 10:6

Inau nogo au mologira na Asiria kara baginigira na tinoni ara piloligi taniau mara tsaia na korequ. Eo, inau nogo au molobagira kara ba laua niqira omea sui, ma kara tsogori rapasigira na tinoni vaga moa na papasa tana sautu.”

Linge 60:12

Me ti vaga igoe God ko totu tabana kolugami igami, me sauba ke managamami; rongona igoe nogo sauba ko tuliusigira igira gamami gala.

Linge 49:12

Gana tangirongo kesa tinoni e tau tangomana ke didia me ke tau gadovia na mate. Aia sauba nomoa ke mate vaga goto igira sui pipi na omea mamauri lê.

Linge 44:5

mi tana gamu susuliga nogo igoe ti igami ami tuliusiginigira gamami gala.

Linge 3:2

Igira ara goko mara tsarivaganana iani tana rongoqu, “Sauba God e utu lelê ke sangaa.”

Nina Papi A Job 16:15

Tana idana ara padalokiau igira na tinoni, mi kalina ia minau au totu sekoseko lê mau vangamâ, mau sagelia moa na polo baubau papadana na melu.

1 Samuel 24:11

!Ko reia tamaqu, ko reimaia bâ na turina na polomu sagesage iani i limaqu! Inau au tangomana nogo kau labumatesigo, mau tau nomoa labumatesigo, mau putsikutia moa na turina na polomu iani. Au nauvaganana ia rongona igoe ko donaginia laka inau au tau sove tanigo igoe, mau tau goto padâ kau sekoligo. Migoe moa o ruguviau mo ngaoa na labuaqu, atsa moa ti inau au tau nauvanigo sa omea seko.

1 Samuel 24:18

Mi dani eni nogo igoe o sauvulagia nimu galuve loki vaniau, rongona o tau labumatesiau inau, atsa moa na Taovia e moloau nogo i limamu igoe.

1 Samuel 24:20

Mi kalina ia, inau au donamaka laka igoe nogo sauba ko lia na taovia tsapakae, mo ko tagaovi kaputia na Israel popono.