Linge 7:3 - Ghari

^3-4 Eo, igoe niqu Taovia mo niqu God, ti vaga inau au naua ke kesa na omea seko vaninogoa kesa tinoni, se ti vaga inau au tavongani keli lê vania kesa kulaqu, se au tavongani labulea kesa gaqu gala tagara sa rongona, eo, me ti vaga au naumananâ na omea vaga gira,

Linge 7:3 Referans Kwoze

Linge 59:3

!Reigira bâ! Igira ara tû mara pipitu nogo rongona kara labumatesiau; igira na alaala na tinoni seko sosongo ara saikolumai nogo rongona kara tangoliau. Me tau tana rongona sa niqu sasi inau se kesa na omea tau goto au naunogoa,

1 Samuel 24:11

!Ko reia tamaqu, ko reimaia bâ na turina na polomu sagesage iani i limaqu! Inau au tangomana nogo kau labumatesigo, mau tau nomoa labumatesigo, mau putsikutia moa na turina na polomu iani. Au nauvaganana ia rongona igoe ko donaginia laka inau au tau sove tanigo igoe, mau tau goto padâ kau sekoligo. Migoe moa o ruguviau mo ngaoa na labuaqu, atsa moa ti inau au tau nauvanigo sa omea seko.

Josua 22:22

“!Na God Susuliga Sosongo aia nogo e Taovia! !Maia e dona nogo na rongona gua ti igami ami nauvaganana ia, migami ami ngaogotoa igamu kamu donaginia! !Me ti vaga igami ami sove na rongomangana mami tau nogo totu kakai i konina na Taovia, ma kamu laka goto na tamiana vanigami kami mauri babâ moa!

Linge 66:18

Me ti vaga inau kau tau koevulagigira niqu sasi, ma na Taovia e utu lelê goto ke rongomiau.

Nina Papi A Job 11:14

Me ti vaga igoe o naua sa omea ke sasi, me dou ti ko mololea na nauana, mo ko laka goto na tamivaniana na sasaga tabaru ke totu tana valemu.

1 Samuel 24:9

me tsarivania, “?Rongona gua ti igoe o rongomigira moa niqira goko na tinoni ara tsaria laka inau au ngaoa na sekoliamu?

1 Samuel 22:13

Ma Saul e veisuâ, “?Rongona gua ti kagamu a David amu ka vorogaqumate inau? ?Ma na rongona gua goto igoe o sauvania na mutsa me kesa na isi, mo lavegoko i konina God tana rongona aia? !Eo, mi kalina ia maia e piloligi taniau saikesa nogo inau, me pitua moa kesa nina tagu dou i tana ke labumatesiau inau!”

1 Samuel 20:8

Kiki, ko naua moa na omea iani vaniau, mo ko manali sailaginia moa nimu veke tabu o naunogoa vaniau. !Me ti e mana laka au sasi manana inau, migoe segenimu nogo ko labumatesiau! ?Na rongona gua goto ko adiau bâ i konina na tamamu me ke labumatesiau?”

1 Samuel 22:8

?Laka aia nogoria na rongona ti amu gini vorogaqumate inau? Me tagara goto ke kesa vidamui ke tsarivaniau laka na dalequ segeni nogo inau e totu tabana kolua a David. !Me tagara goto ke kesa vidamui ke gini boeginiau inau, se ke tsarivaniau laka a David, aia e kesa niqu mane segeni nogo inau, tana tagu tsotsodo nogo iani e lavea kesa nina tagu dou i tana ke labumatesiau inau, ma na dalequ segeni nogo aia e tsovula gokona vania!”

Linge 22:12

Ara danga sosongo gaqu gala, ara totu polipoliau vaga moa ti na alaala na buluka mane; vaga saikesa moa ti na alaala na buluka mane momosa ni Basan.

Linge 22:20

Ko maurisiau tania niqira isi; mo ko lauligia na mauriqu tanigira na pai atsi girani.