Linge 7:15 - Ghari

¹⁵ Ma na taviti ara moloa laka kara gini sogo na tinoni tavosi i laona, migira segeni nogo ara ba sogo i laona.

Linge 7:15 Referans Kwoze

Nina Papi A Job 4:8

Inau au reigira na tinoni ara qari kaona na uta na sasi, mara rasavagini bamaia na vatuna na tsutsukibo; mi kalina ia, migira ara tsurivia moa na lakana na tsutsukibo ma na nauseko.

Linge 141:10

Migira na vanga tsutsukibo kara sogo segeni i laona niqira taviti, minau moa kau liusavi tania.

Goko Tabana 26:27

Igira na tinoni ara molo gaqira taviti na tinoni tavosi ara sogo segeniqira i laona. Migira ara kabo kelisia na vatu sauba ke gadovigira segeni.

Linge 10:2

Ara kaekae sosongo nomoa igira na tinoni vanga tsutsukibo, mara rotasigira na tinoni ara tau tamanina sa omea. Ko sogotigira i laona na taviti igira segeni nogo ara aqosia.

Linge 57:6

Igira gaqu gala ara tsoninogoa niqira vugo gana kara sogotiginiau; minau au totu popono nogo i laona na melu. Igira ara tsaia na qilu tana niqu sautu, migira segeniqira nogo ara puka i laona.

Esta 7:10

Me vaga ia, mara ba tsauraginia a Haman tana gai na ligo aia segeni nogo e vaturikaea, gana ke tsauraginia a Mordekai i konina. Mi tana me gini bisitugua na korena na taovia tsapakae.

Goko Tabana 5:22

Nina sasi na tinoni vanga tsutsukibo ara vaga moa na taviti. Maia e sogo tana vugona nina sasi segeni.

Jeremia 18:20

?Laka e ulagana na omea seko ke lia na vovolina na omea dou? Migira ara tsaia na qilu loki gana inau kau puka sage i laona. Ko padatugua kalina inau au mai i matamu igoe, mau isutuguqira igira gana ke gini bisitugua na koremu.

Linge 119:85

Na tinoni vanga kaekae, igira ara tau dona na muriana nimu ketsa, igira nogo ara tsai manogatinogoa na qilu agana kau puka i laona.

Linge 94:13

Tinoni vaga ia igoe o moloa ke mango rago tania na tagu na rota, poi tsau kalina kara tsaia na qilu i tana kara puka igira na vanga tsutsukibo.

Nina Papi A Job 6:27

!Me vaga moa ti igamu amu naua na tsoni daisi mateqira na baka tinamate, ma na tsabiriaqira gamui saidou rongona kamu gini tamani qolo danga!

Nina Papi A Job 15:35

Ma na tinoni vaga gira ara dona sosongo na vorogokona manoga na tangopeke ma na nauana na omea e seko; ma na perobulesi tinoni moa e dangali poponoa na tobaqira.”

Isaia 33:11

Igamu amu naua na vorogoko puala lê, me pipi sui na omea amu naugira ara tau tamani rongona. Ma niqu tarunga inau e vaga moa na lake iruiru maia sauba ke ganisuigamu.

Isaia 59:4

Mi kalina amu vano tana tinete mamu tau saikesa naua na pedegoto. Igamu amu vataragi moa tana nimui goko pero ke gini managamui. Mamu botsangia moa na omea seko mamu sekoliginigira na tinoni tavosi.

Daniel 6:25

Mi muri ma Darius na taovia tsapakae e mamare vanigira na tinoni pipi tana puku, ma na mamatana tinoni, ma na vatana na goko, i laona na barangengo popono, me tsaria, “!Na rago ke totu i konimui sui!