Linge 7:10 - Ghari

¹⁰ God aia nogo e reitutuguau; maia e maurisigira igira e goto na tobaqira.

Linge 7:10 Referans Kwoze

Goko Tabana 28:18

Ke goto nimu sasaga me sauba igoe ko totu ravi. Me ti vaga e tau goto nimu sasaga, me sauba ko tsodoa ke danga na utu.

Linge 125:4

Taovia ko naudou vanigira igira e dou niqira sasaga, mara muridougira nimu ketsa.

Linge 84:11

Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

Goko Tabana 11:20

Na Taovia e reisavigira na tinoni ara padaseko sailagi, me galuvegira igira ara naua na omea e goto i matana aia.

Tuturigana 15:1

Kesa tana tagu i muri, ma na Taovia e goko vania a Abram tana moro me tsarivania, “A Abram ko laka na matagu. Inau sauba kau dilago tanigira sui na omea seko, ma na pelumu sauba ke loki sosongo.”

Goko Tabana 2:21

Igira moa e gotolaka niqira sasaga sauba kara tangolidatoa na kao iani ma kara totuvia.

Linge 112:2

Ma na dalena na tinoni dou sauba kara lia tinoni loki tana veraqira; migira sui na kukuana aia sauba kara soalokigira.

Linge 89:18

Igoe nogo Taovia o vilia vanigami aia kesa ke reitutugugami; igoe na God Tabu ni Israel, igoe nogo o tusuvanigami gamami taovia tsapakae.

Linge 3:3

Migoe saikesa moa Taovia, o vaga gaqu tako; o sangaau mau gini tangomana, mo malagaisiau mau gini tukakai.

Nina Papi A Job 8:6

Me ti vaga ke gotolaka manana nimu sasaga, mo totumale saviliu i matana, maia God sauba ke mai me ke sangago, me ke aragovisu vanigo tugua na valemu.

1 Turupatu Dato 28:9

Mi tana ma David e gokovania a Solomon me tsaria, “Dalequ igoe, nimu aqo nomoa ko padalokia nina God na tamamu, mo ko tamia na aqo dou vania tana tobamu popono mi tana papadamu popono. Aia e donaginia pipi sui nida papada ma nida kili igita. Me ti vaga igoe ko vataragi i konina aia, maia sauba ke tabego; me ti vaga igoe ko piloligi tania, maia sauba ke piloligi sailagi tanigo goto igoe.

2 Turupatu Dato 6:30

migoe ko rongomia niqira nonginongi. Tû tana veramu i baragata ko rongomia niqira nonginongi mo ko padalea niqira sasi. Igoe segeni moa o donaginia nina papada e totu popoi i laona na tobana tinoni, mo ko nauvania pipi tinoni vaga e ulagana na omea aia e naua,

Jeremia 11:20

Mi muri, minau au nonginongi vaga iani, “Taovia Susuliga Sosongo, igoe nogo o dona na gini pede na pedegoto laka; mo dona na tovoana niqira papada ma na tobaqira na tinoni. Inau au molo segeniqu i limamu igoe; me vaga ia, mo ko tamivaniau kau morosigo kalina ko tangotugu i koniqira na tinoni girani.”

Jeremia 17:10

Inau na Taovia au vilekedoua i laona nina papada pipi tinoni, mau tovolea na sasagana, mau pedea pipi tinoni taonia nina omeomea segeni, ma nina aqo aia e naugira.”