Linge 69:12 - Ghari

¹² Ara tû mara vaitsari gaqu bamai tana sautu loki, migira goto na tinoni ara inubule ara tavongani tê linge tana rongoqu inau.

Linge 69:12 Referans Kwoze

Luka 23:2

Mi tana, migira ara tuturiga na tatamanga gana mara tsaria, “Ami tsodovulagia na mane iani e raqa sasiligira nimami tinoni. Me tongo vanigira kara laka na voli takesi vania na Sesar. Me tsarisegenina goto laka aia na Mesia, na Taovia Tsapakae.”

Mateo 27:20

Migira na taovia na lotu ma na tinoni loki ara raigira na toga kara nongia a Pilate ke nusilea a Barabas, me ke pedea a Iesu ke mate.

Daniel 5:23

Igoe o ngaoa ko molokae segenimu mo ko tsogori tsunâ na Taovia ni baragata. Mo ketsaligira nimu maneaqo kara adimaigira ieni na tseu ma na bilo ara laugira tania nina Vale Tabu. Migoe, kolugira nimu tinoni lokiloki, ma na taumu, migira goto na taumu lê, amu gini inu uaeni, mamu tsonikaegira nimui god ara aqosiginigira na qolumila, na siliva, na tapalamila, na tapalalaka, na gai, ma na vatu, eo, igira ara tau tangomana kara moro se kara rorongo, mara tau goto dona sa omea. Migoe o tau saikesa pada mamavasia God aia moa e susuliga na pedevaniamu laka ko mauri se ko mate, maia e tagaovigira goto pipi sui na omea igoe o naugira.

Na Vaolusi Ketsa 16:18

Ma Moses e tsarigotoa, “Mi laoqira pipi na vera aia na Taovia nimui God ke sauvanigamu, kamu viligira kara visana na tinoni kara naua na tinete, ma kara visana goto na tinoni lokiloki. Migira na tinoni girani niqira aqo kara pede gotoligira na tinoni.

Tuturigana 19:1

Mi tana ngulavi ia, kalina kaira na angelo ara ka mailaba i Sodom, maia Lot e tototu tana matsapakapuna na verabau ia. Mi kalina tsotsodo aia e reikaira, maia e tû me ba tsodokaira. Me tsuporu i ka mataqira

Linge 35:13

Minau au tau nauvaganana vanigira ia. Tagara. Mi kalina igira ara lobogu, minau au roku, mau tsoni vitoaqu segeni. Au ulutsuna na lovaqu mau nonginongi kakai vanigira,

Jeremia 20:7

“Lao, Taovia, igoe o valoau, minau au tutunina lê nimu goko. Igoe o susuliga bâ vaniau, mo tuliusiau inau. Migira na tinoni sui ara gilugaqu, mara kiataginiau lê tana dani popono.