Linge 68:8 - Ghari

⁸ e gini kakanu popono na barangengo, ma na masaoka e tumuli tsunamai na usa, rongona nogo e mai na God ni Sinai, na God ni Israel.

Linge 68:8 Referans Kwoze

Binaboli 19:18

Ma na pungu loki e tsavu poponoa na Vungavunga Sinai, rongona na Taovia e tsunamai i kelana tana rereina na lake. Ma na pungu ia e vulosudato vaga moa na punguna kesa na biti loki, me kakasisi na vungavunga popono.

Binaboli 19:16

Mi tana matsaraka na tolunina dani, e poda loki na vivisa me kirapi na angaanga, me kesa na parako matolu e laba i kelana na vungavunga, mara rongomia kesa na tavuli e tangi loki sosongo. Me pipi sui na tinoni ara totu i tana ara viri gariri tana matagu.

Hibru 12:26

Kalina God e goko i sau, ma nina goko e kasilia na barangengo popono. Mi kalina eni aia e vekea me tsaria, “Sauba ke kesa goto kalina kau kasilia, me tau na barangengo moa, na baragata goto.”

Isaia 45:3

Inau sauba kau tusuvanigo niqira qolo ma niqira omea loki matena sui ara molopoia tana niqira moi. Mi tana ti igoe sauba ko donaginia laka inau nogo na Taovia, me laka inau na God ni Israel au soaginigo na soamu segeni.

Linge 77:18

Ma na maququna nimu quluqulu e liu ao sosongo, ma na kirapina na angaanga e angavi poponoa na barangengo; me kakanu na barangengo popono.

Linge 68:35

!E kukuniga sosongo niqira God na Israel kalina aia e talumai i laona nina Vale Tabu! Maia e tusua na susuligana loki vanigira nina toga sui. !Tsonikaea God!

Linge 41:13

!Tsonikaea na Taovia, aia niqira God na Israel! !Tsonikaea kalina eni, mi tana dani ma na dani tagara ke tau sui! !Amen, Amen!

Isaia 64:3

I sau nogo igoe o mai mo naugira na omea mamataguniga ami tau nogo padâ kara laba vanigami; migira na vungavunga ara reigo kalina o nauvaganana ia, mara viri oloolokagi tana matagu.

Linge 114:7

Igoe na barangengo, ko kasisi i matana na Taovia, aia nina God a Jakob,

Na Katemai 11:19

Me tavongani ova na valena tabu God i baragata, ma na Bokisi na Taso e labavulagia i laona. Mi muri me anga, me kirapi, me poda loki na vivisa, me kasi loki na vuluge, me tumu tsunamai na belena na kakoluna na usa loki.

Habakuk 3:13

Migoe o nauvaganana nogo ia, ti ko gini laumaurisigira nimu tinoni, kolugotoa nimu taovia tsapakae vivili. Migoe o labu pukalia gaqira ida igira na vanga tsutsukibo mo matesiligigira sui igira ara tsarimurina.

Isaia 64:1

Taovia, ko ratsi ovatia na baragata mo ko tsunamai i lao, ma kara reigo igira na vungavunga, ma kara viri oloolokagi tana matagu.

Binaboli 13:18

Ti aia e adigira tana sautu e ao me liu bâ tana kaomate kalea na Tasi Tsitsi. Migira na Israel ara tangoli manogatinogoa niqira sagore na vailabu.

Tinoni Pede 4:14

Maia ko Debora e morosigira bâ me tsarivania a Barak, “!Kalina ia, ko ba tsaku! !Na Taovia nogo e ida vanigo! I dani eni nogo aia e sauvanigo na tangomana gana ko tuliusiginia a Sisera.” Mi tana ma Barak e tsuna tsaku tania na Vungavunga Tabor kolugira ara sangavulu toga nina mane.