Linge 68:7 - Ghari

⁷ Kalina igoe God o idavanigira nimu toga, mo raqâ na alaala mo liu taligu tana kaomate,

Linge 68:7 Referans Kwoze

Binaboli 13:21

Mi laona na dani, maia na Taovia e idavanigira tana parako gana ke sausautu vanigira, mi tana bongi aia e idavanigira tana ketsuma na lake iruiru gana ke mararasigira, rongona kara gini tangomana na vano na bongi ma na dani.

Tinoni Pede 5:4

Taovia, kalina igoe o mololea na vungavunga i Seir, mi kalina igoe o rutsuligi tania na butona na kao i Edom, ma na barangengo e kasisi popono, ma na usa loki e tumutsuna mai talu tana masaoka. Eo, na usa loki e taqetu tsuna talu tana parako.

Tinoni Pede 4:14

Maia ko Debora e morosigira bâ me tsarivania a Barak, “!Kalina ia, ko ba tsaku! !Na Taovia nogo e ida vanigo! I dani eni nogo aia e sauvanigo na tangomana gana ko tuliusiginia a Sisera.” Mi tana ma Barak e tsuna tsaku tania na Vungavunga Tabor kolugira ara sangavulu toga nina mane.

Mika 2:13

God sauba ke voti vanigira na sautu, maia ke ida vanigira, migira sauba kara pokatiligia na matsapakapuna na verabau, ma kara rutsuligi i taba. Ma niqira taovia tsapakae, aia nogo na Taovia, sauba aia segenina nogo ke idagana sautu vanigira.

Na Vaolusi Ketsa 4:34

?Me laka sa god ke malagai na sage bâ kesa tana veraloki me ke ba lauligigira kesa na puku popono na tinoni tavosi, me ke naua kara lia nina tinoni segeni, vaga nogo aia na Taovia nimui God e nauvanigamu igamu tana Ejipt? Migamu segenimui nogo amu reiginia na matamui kalina God e gini aqo na susuligana loki tana vera ni Ejipt, me mologira na rota seko loki kara gadovigira, me naugira danga na valatsatsa ma na omea ganataga, me tamia kara laba na omea mataguniga loki sosongo i tana.

Linge 107:34

Aia e olia na kao lakataga me gini lia na kaomate, me utu ke dato sa omea i konina, rongona niqira tsutsukibo ara naua igira na tinoni ara totu i tana.

Linge 146:7

me saua na pedegoto vanigira igira ara bingi sekoligira, me palagira igira ara vitoa. Na Taovia e nusigira igira ara totu tana vale sosori,

Isaia 61:1

Na Taovia God e dangaliginiau nina Tarunga. Me viliau kau adivanoa na turupatu dou vanigira na tinoni sekona lê, ma kau veregira igira e melu loki na tobaqira, ma kau suivisugira igira ara lautsekagira, ma kau maurisigira igira ara totu sosori.