Linge 68:6 - Ghari

⁶ Aia e tusua na vale kara tamanina igira ara totu segeniqira, me nusigira ara totu sosori me mologira kara totu magemage tana kao lakataga. Migira ara sove tania God, sauba kara totu saviliu moa tana kaomate.

Linge 68:6 Referans Kwoze

Linge 113:9

Maia e galuvea na daki tauga e mamane, me sauvania danga na dalena; me gini mage sosongo na daki ia i laona na valena. !Tsonikaea na Taovia!

Linge 69:33

Rongona na Taovia e rongomi vatavigira igira ara kilia na sasanga, me utu ke padalegira nina tinoni ara totu moa i laona na vale sosori.

Linge 107:14

Me adirutsumigira tania na totu ponotoba sosongo ma na totu tana rodo, me kabakutigira na itai tapala ara soriginigira.

Linge 107:10

Visana e pono saikesa na tobaqira mara totu moa tana rodo, mara rota i laona na vale sosori i tana ara soriginigira na itai tapala,

Isaia 61:1

Na Taovia God e dangaliginiau nina Tarunga. Me viliau kau adivanoa na turupatu dou vanigira na tinoni sekona lê, ma kau veregira igira e melu loki na tobaqira, ma kau suivisugira igira ara lautsekagira, ma kau maurisigira igira ara totu sosori.

Linge 146:7

me saua na pedegoto vanigira igira ara bingi sekoligira, me palagira igira ara vitoa. Na Taovia e nusigira igira ara totu tana vale sosori,

Galatia 4:27

Rongona ara marenogoa tana Mamare Tabu “!Ko mage igoe na daki mamane! !Ko guguu dato tana magemage, igoe o tau gini rota na vasubaka! Rongona aia na daki na savana e mololea sauba ke tamanina danga baa na dalena, liusia aia na daki e totu kolua na savana.”

1 Samuel 2:5

Migira ara dona na mutsa masu dou tana idana, kalina eni ara mala tsekagira segeni tana aqo rongona na mutsa, migira ara vitoa tana idana, ara tau nogo vitoa. Maia na daki mamane e vasunogoa e vitu na dalena, maia na daki e tamanina danga nogo na dalena, kalina eni e utu nogo vania ke tamani baka.

Aqoaqo 16:26

Me tavongani kasi na vuluge, me kasilia na vale sosori tsau tana tsutsuvatuna. Mi kalina e laba vaga ia, mara tavongani sangavi segeniqira na matsapa sui, mara dudu sui na itai tapala i tuaqira sui na mane ara sorigira tana vale sosori.

Linge 107:34

Aia e olia na kao lakataga me gini lia na kaomate, me utu ke dato sa omea i konina, rongona niqira tsutsukibo ara naua igira na tinoni ara totu i tana.

Malaki 1:3

mau reisavia a Esau migira na kukuana. Mau toroutsani vania nina vera vungavungaga a Esau, mau molovanigira na omea tuavati atsi kara totuvia.”

Hosea 2:3

Me ti vaga aia ke tau mololea nina sasaga tabaru, minau sauba kau tsoraligi vania na polona, me ke malaiole vaga moa tana dani aia e botsa. Minau sauba kau naua maia ke lia vaga na kaomate mamatsa, me ke gini mate na marou.

Na Vaolusi Ketsa 10:18

Aia e isutuguqira na baka tinamate ma na daki tinamate. Maia e galuvegira na tinoni ni veratavosi igira ara totu i laoqira nida tinoni, me sauvanigira goto na mutsa ma na polo.

Linge 10:14

Eo, migoe Taovia o morosiragoa na omea vaga aia e naua. Mo donaginigotoa na vatsangisavi ma na rota e gadovigira na tinoni dou, migoe o gini boe sailagi na sangaaqira. Na tinoni e utu vania ke sanga segenina, aia nogoria e molo segenina i limamu igoe; migoe nogo o sangagira sailagi igira e utu kara sanga segeniqira.

Goko Tabana 23:11

Na Taovia nogo niqira isutugu susuliga, me sauba ke goko tuguqira tana tinete.