Linge 68:3 - Ghari

³ Igira na tinoni e gotodou nogo niqira sasaga ara gini magemage na tû i matana God; me dou na tobaqira mara gudato tana magemage.

Linge 68:3 Referans Kwoze

Linge 64:10

Migira sui na tinoni e goto niqira sasaga sauba kara gini magemage rago tana rongona na omea loki aia na Taovia e naugira. Me sauba kara ba totu raviravi dou i konina aia; igira sui na tinoni dou sauba kara tsonikaea.

1 Tesalonika 5:16

Kamu totu magemage sailagi,

Na Katemai 19:7

!Ida ma ka tsipupeka ma ka magemage; ma ka tsonikaea na asana tabu! Rongona e labamai nogo nina dani na tauga na Dalena Sipi, maia na tauna e vangarau manogati segenina nogo.

Na Katemai 18:20

!Ko magemage igoe na baragata, migamu sui goto nina tinoni God, migamu na apostolo ma na propete, rongona God e pedenogoa na vera loki ia tana rongona na omea seko aia e naua vanigamu!

Linge 97:12

!Kamu mage igamu sui amu totugoto i matana na Taovia, kamu padatugua na omea sui aia e naugira, ma kamu soadoua na asana tabu!

1 Petero 1:8

Me atsa moa ti amu tau vati reilakana moa a Iesu Kristo, migamu amu galuvenogoa. Amu tutunina, atsa moa ti amu tau morosilakana kalina eni. Mamu gini magemage tana mage loki e utu na tsaritutuguana tana goko.

Linge 58:10

Migira na tinoni e goto niqira sasaga sauba kara gini magemage kalina kara reia God e kedegira na tinoni sasi; sauba kara vulia na tuaqira tana gabuqira na tinoni vanga tsutsukibo.

Linge 43:4

Mi tana ti sauba inau kau ba tû i matana nimu belatabu igoe niqu God, igoe nogo na pukuna niqu magemage. Me sauba kau taia niqu itai tatangi ma kau lingena na tsonikaeamu, igoe God mo niqu God.

Linge 21:1

Taovia, e mage sosongo aia na taovia tsapakae rongona igoe o tusuvania na susuligamu. Maia e magemage loki rongona igoe o sangâ me gini managana.

Na Vaolusi Ketsa 12:12

Kamu gini magemage i tana, i matana na Taovia, kolugira na dalemui, migira goto nimui tinoni aqo, migira na Levite ara totu i laona na veramui rongona igira na Levite sauba kara tau tamani segeni sa niqira butona kao.

Linge 32:11

Kamu magemage ma kamu linge igamu e goto nimui sasaga, tana rongona na omea dou sui na Taovia e naugira. !Eo, kamu gudato tana mage igamu sui amu rongomangana aia!

Linge 37:20

Migira na tinoni vanga tsutsukibo sauba kara mate; migira ara gala vania na Taovia sauba kara tavongani dudu lê vaga moa ti na tsitsi atsi. Eo, sauba kara nangaligi lê vaga moa ti na pungu na lake.

Linge 75:4

Mau tsarivanigira igira na tinoni vanga tsutsukibo laka kara tau goto kaekae;