Linge 68:2 - Ghari

² Aia e tû me tsialigigira lê vaga moa kalina na guguri e lovosaginilea na punguna lake, migira na vanga tsutsukibo ara nanga tsaku lê i matana God, vaga moa na kadele e rono lê kalina e parâ na lake.

Linge 68:2 Referans Kwoze

Mika 1:4

Migira na vungavunga sauba kara viri rono lê sui i vavana na tuana aia, vaga moa na kadele kalina ara moloa tana lake, me sauba kara viri nara bamai tana poi popono, vaga moa na kô e sarara tsuna talu i kelana na tetena.

Linge 37:20

Migira na tinoni vanga tsutsukibo sauba kara mate; migira ara gala vania na Taovia sauba kara tavongani dudu lê vaga moa ti na tsitsi atsi. Eo, sauba kara nangaligi lê vaga moa ti na pungu na lake.

Hosea 13:3

Me vaga ia, ma na tinoni girani sauba kara nangaligi lê vaga na lavo tana matsaraka, ma na kolobu kalina e dato na aso tana matsaraka. Igira sauba kara vaga na kekevuna uiti e lovosiligigira na bisi tania na nauna i tana ara labududusi uiti, me vaga na pungu e dato tana na kobalake.

Isaia 9:18

Niqira tsutsukibo nogo na tinoni e sekoliginigira, vaga saikesa moa na lake loki e gani poponoa na pokopokona na itai kokonaga, me iru vano tana legai atsi, ma na punguna e vulosudato vaga moa na tuguru katsi.

Linge 97:5

Migira na vungavunga ara rono lê vaga moa na kadele kalina e iru, i matana na Taovia aia e tagaovia na barangengo popono.

Linge 80:16

!Igira gamami gala ara kavi pukalia mara soqoi lakena, ko tû igoe mo ko kore vanigira mo ko matesigira!

Isaia 64:2

Ma kara galigiri vaga moa na kô kalina e totopo i laona na lake papara. Ko mai mo ko sauvulagia na susuligamu vanigira gamu gala, mo ko naua migira na puku sui kara gagariri i matamu.

Linge 76:7

Migoe moa Taovia igira na tinoni sui ara kukuni tanigo sosongo. Mi kalina igoe o kore loki me tau goto tangomana kesa ke baria.

Linge 22:14

E nanga lê sui na susuligaqu inau, vaga moa ti na kô e nara lê tana kao. Ara viri tapiu sui na suliqu tania na sasaiqira; ma na kosuqu e rono lê vaga moa ti na kadele kalina e iru.

Tsoko Tinoni 10:35

Me pipi kalina kara tû na kalagaiana na Bokisi na Taso, ma Moses ke nonginongi vaga iani, “!Ko tû Taovia, mo ko sarangasigira gamu gala, ma kara viri tsogo bamai igira ara reisavigo!”

2 Samuel 10:13

Maia Joab migira nina mane ara babâ moa i sautu laka kara baginigira na Siria, migira na Siria ara pilovisu mara tsogo lê.

2 Samuel 10:18

migira na Israel ara takuvi visugira na alaala na mane vaumate ni Siria. Ma David kolugira nina mane ara labumatesigira vitu sangatu na mane ni Siria ara tagaovi terê, me vati sangavulu toga na mane ara sage tana ose, mara bokaligotoa a Sobak gaqira taovia tagao igira na gala, maia e ba mate tana sasana nogo na vailabu.

Isaia 33:3

Mi kalina igira na vera tavosi kara rongomia na leleona na vailabu loki, ma kara reigo igoe kalina ko tû na isutugumami, me sauba kara viri tsogo sui.

Jeremia 46:15

?Laka egua te e puka aia Apis nimui god peropero susuliga igamu? !Na Taovia nogo e tsoni pukalia aia!’