Linge 68:12 - Ghari

¹² “!Igira na taovia tsapakae ma niqira alaala na mane malagai ara viri tsogoligi sui!” Migira na daki ara totuvisu moa i vera ara tuvarivotagira na omea sui na mane ara laua tana vailabu:

Linge 68:12 Referans Kwoze

Josua 10:16

Mi tugira tsege niqira taovia tsapakae na Amor ara tu tsogo mara tu ba taopoi i laona kesa na vatuluma i Makeda.

Tinoni Pede 5:19

I Taanak tana okookona na kô i Megido, igira na taovia tsapakae ara mai mara vailabugi i tana; eo, igira na taovia tsapakae ni Kanaan ara vailabugi goto i tana, mara tau lelê tangomana kara lauligia ke kesa goto na turina tetelo na siliva.

1 Samuel 30:24

!E tagara ke kesa ke tabekolugamu na omea amu tsaria igamu! E dou igita ka votagira na omea igita a adia ma ka tango atsa: igira ara totuvisu kolugira nida omea levo, kara adia kesa moa atsa na tuva kolugamu igamu amu vano tana vailabu.”

Na Katemai 6:15

Mi tana, migira sui lakalaka na taovia tsapakae ni barangengo, ma na taovia na vera, ma na taovia na malagai, migira na tinoni tamani omea danga, ma na tinoni tangirongo, ma na tinoni sui tavosi goto, igira na tseka ma na tinoni tau tseka, ara viri tsogopoi sui i laona na vatuluma mi tana babana na vatu tana vungavunga,

Tinoni Pede 5:30

“Igira ara totuvisu moa rongona kara lavegira na omea kara laua ma kara tuvarivotâ vanigira segeni, tau utu kara tango kesa se ruka na daki pipi na mane vaumate, me ke visana na polo e loki sosongo na matena vania a Sisera, me ke visana na turina na polo ara tula mamaregasia vania na liona na daki taovia.”

Josua 10:42

Me kesa moa kalina a Josua e labugira sui popono na taovia tsapakae girani me laua niqira butona na kao, rongona na Taovia na God ni Israel e sangagira na Israel tana vailabu.

Tsoko Tinoni 31:54

Vaga ia, mi kaira a Moses ma Eleasar ara ka adivanogira na qolumila ara saua igira na mane tagao, i laona na Valepolo Tabu, rongona na Taovia ke gini reitutugugira sailagi na toga ni Israel.

Tsoko Tinoni 31:27

Ma kamu vota ruka gira na omea sui amu laugira, ke kesa turina vanigira na mane vaumate, me ke kesa turina vanigira na tinoni tavosi tana saikolu.

Binaboli 14:25

Me naua me gini lupi tana boko na uilina niqira terê, me gini utu na tagaovidouaqira. Mi tana, migira na mane vaumate ni Ejipt ara tsaria, “!Are gamuna! !Ida ma ka tsogovisu! !Na Taovia nogo aia e vailabu tuguqira na Israel me tukapusigita igita!”