Linge 66:4 - Ghari

⁴ Igira sui na tinoni tana barangengo popono ara samasama vanigo; ara lingena na tsonikaeamu igoe, mara lingena na tsonikaeana na asamu.”

Linge 66:4 Referans Kwoze

Linge 22:27

Igira na puku sui sauba kara padatugua na Taovia. Me pipi tana nauna sui tana barangengo sauba kara pilovisumai i konina aia; migira na mamatana sui na tinoni sauba kara samasama vania moa aia.

Linge 117:1

!Tsonikaea na Taovia igamu na puku sui! !Tsonikaea igamu pipi sui na mamatana tinoni!

Na Katemai 15:4

?Asei sauba ke tau kukuni tanigo Taovia? ?Masei sauba ke sove na gini turupatuna na lokimu? Igoe segeni moa o tabu loki sosongo. Migira na tinoni pipi sui tana vera sauba kara mai ma kara samasama vanigo, rongona nimu aqo ara gotolaka saikesa, mara labamaka i mataqira na tinoni sui.”

Malaki 1:11

“Migira na tinoni tavosi tû kesa tabana na barangengo me tsau bâ kesa tabana ara dona rago na kukuni taniaqu inau. Me pipi tana nauna sui ara kodo vaniau na bulunagai uruuru, mara savori vaniau na kodoputsa e dou i mataqu. !Eo, pipi gira sui ara kukuni taniau!

Daniel 7:14

Me tû aia e mauri saliu, me tusuvania gana mana, ma gana loki, ma gana susuliga tangirongo taovia, rongona ti pipi sui na puku, ma na mamatana tinoni ma na vatana goko kara aqo vania. Ma gana susuliga sauba ke totu saviliu, ma nina tamani e utu goto ke sui.

Isaia 11:9

I Sion, nina vungavunga tabu God, i tana sauba ke tau goto totu sa omea ke dona na sekoli tinoni, rongona God sauba ke dangali poponoginia na barangengo nina sasaga loki, vaga nogo na tasi e dangali poponoa na kema.

Linge 65:5

Igoe o rongomia nimami nonginongi mo sangagami te ami gini tangomana. God igoe nogo o maurisigami. Migira na toga pipi tana nauna sui polia na barangengo popono, me savu taligu tabana na tasi ao ara norugo sui moa igoe.