Linge 66:2 - Ghari

² !Lingena na tsonikaeana na asana tabu; katevulagia gana tangirongo!

Linge 66:2 Referans Kwoze

Na Katemai 5:13

Mau rongomigira goto pipi na omea vovola sui ni gotu mi lao, mi vavana na barangengo, mi laona goto na tasi, eo, igira sui lakalaka na omea mamauri sui tana qoae popono, ara lilinge mara tsaria, “!Ka soadatoa ma ka soalokia, ka tsonikaea ma ka padamamavasia na susuligana loki, aia e totu tana nina sasana na totukae ma na Dalena Sipi na dani ma na dani!”

Isaia 49:13

!Ko linge igoe na baragata! !Ko gudato tana magemage igoe na barangengo! !Igamu na vungavunga kamu linge loki! Rongona na Taovia sauba ke veregira nina tinoni me ke galuvegira igira ara rota.

Isaia 42:12

Migamu goto amu totu tana vera i tasi taligu kamu tsonikaea ma kamu soalokia na Taovia.

Linge 107:22

Ma niqira aqo goto kara soadoua kolua niqira savori-kodoputsa, mi laona niqira linge na magemage kara katevulagigira na omea sui aia e naugira.

Nehemia 9:5

Mi muri mara visana na Levite ara soagira na tinoni kara mai lotu vania God: tugira nogo a Jesua, ma Kadmiel, ma Bani, ma Hasabneia, ma Serebia, ma Hodia, ma Sebania ma Petahia. Mara tu tsaria: “!Kamu tû ma kamu tsonikaea na Taovia nimui God na dani ma na dani! Na tinoni sui kara tsonikaea na asana tabu, atsa moa ti ke tagara goto sa nina tsonikae na tinoni ke ulagana.”

Linge 107:15

Niqira aqo nomoa igira kara soadoua na Taovia tana rongona nina galuve vo oli, mi tana rongoqira goto na omea dou sui aia e nauvanigira.

Linge 106:2

?Asei nomoa tangomana ke tsarivulagia pipi na omea loki sui aia e naugira nogo? ?Masei sagata e tugua ke tsonikaea vaga e ulagana?

Linge 79:9

Nimami God ko sangagami mo ko maurisigami; ko laumaurisigami mo ko padale vanigami nimami sasi, rongona ke gini tangiloki na soamu igoe.

Linge 72:18

!Tsonikaea na Taovia na God ni Israel! Aia segeni moa e naugira na omea dou sui lakalaka.

Isaia 6:3

Mara vaiguvigi mara tsaria, “!Tabu, tabu, tabu! !E tabu loki na Taovia Susuliga Sosongo! Ma na mararana e mararasi poponoa na barangengo.”

Linge 68:33

vania aia e dona ke liu i kelana na masaoka, tana masaoka ni sau nogo. Rongomia aia kalina e gû me tangi loki sosongo na liona.