Ko laka na tami ke managaqira igira gaqu gala; mo ko naua ma na omea seko igira ara ngaoa na nauvaniaqu inau, ke kidivisu me ke gado i koniqira segeni.
“Mi tana na taovia e tsarivania, ‘!Igoe na maneaqo seko! !Sauba kau kedeginigo nimu tsaqina goko segeni nogo! Igoe o dona nogo laka inau na mane tagao kakai, mau adia na omea e tau niqu, mau tsurivia na lakana na omea au tau tsukaa.
Migira ara gokovisu mara tsaria, “Sauba nomoa ke labumatesigira na tinoni seko vaga gira. E utu ke tagara. Me ke tuu, me ke tusuvanigira visana tinoni segeni kara reitutugu vania nina uta. Migira sauba kara tusudou vania gana tuva na vuana nina uta tana tagu na raranga.”
Migira sui ara morosigo igoe sauba kara sugavisu ma kara tsaria, ‘!Reia, e toroutsa lê saikesa nogo na Ninive! ?Asei nomoa sauba ke tangisia? ?Masei goto ke ngaoa na vereana?’ ”
?Igoe na Moab, o padatugua kalina o tsirigira mo kiataginigira na tinoni ni Israel? ?Laka o padâ igoe laka igira na Israel na tinoni vanga komi, te pipi kalina moa igoe o goko gaqira, mo viruviru lovamu tana peapea?
Ara naua ma na butona kao iani e lia na omea marasibiga saikesa, ara dona moa na reipeaana. Migira sui kara tavetada i tana sauba kara gini beke loki na reiana, ma kara viruviru lovaqira tana novo.
Igira sui lakalaka gaqu gala ara reisaviau, migira sui gaqu verakolu ara gilugaqu; migira sui ara donadouginiau ara mataguniau moa; mi kalina ara tsodoau i sautu, mara tsogoligi taniau.
Migira kara tutuu ao moa, rongona ara matagunia ke tau savunigira nina rota. Ma kara tsarivaganana vania: “!Uvai kiki gamuna! !E seko sosongo rago nomoa na omea vaga e laba vanigo Babilon, igoe na tuqana na vera loki susuliga! !Mi laona e kesa lelee moa na turina na dani e gadovigo gamu kede!”
Mi muri, minau a Ioane, au rongomia kesa e gokomaitugua talu i baragata me tsaria, “!Igamu niqu tinoni, kamu rutsuligi tania na vera ia! Kamu laka saikesa na patakoluana tana nina sasi; rongona kamu tau sangapata kolugotoa tana kede e totupitua aia!
Na sasi e totu sailagi moa tana tutubena na mangaqira; pipi gira sui lakalaka niqira tsaqina goko ara tsonia ara sasi sui moa. !Migoe ko naua migira kara sogo segeni i laona niqira kaekae! Rongona nogo ara dona sosongo na vatsa seko ma na goko peropero,
Igira na tinoni e gotodou niqira sasaga sauba kara reia e laba vanigo na omea vaga gira, ma kara gini matagu loki; mi muri ma kara tû ma kara kiataginigo ma kara tsarivaganana,
Mi kalina igira na tinoni ni Israel ara totu varangi tana ara rongomigira ara viri gû mara kanga, migira ara tsaria, “!Ida tsaku ma ka tsogo! !Ke tau munugita sui goto na kao!”