Linge 64:5 - Ghari

⁵ Ara gini vaimalagaisigi segeniqira niqira vorogokosai na nauseko; mara gini togigokona laka iava tana igira kara molokapusia niqira taviti. Mara tsarivaganana, “?Masei nomoa sauba ke reigita?”

Linge 64:5 Referans Kwoze

Linge 140:5

Igira na tinoni kaekae ara vangaraunogoa vaniau gaqu taviti; ara molo kapusia niqira pidipidi tana kau liu bâ, mara matalogoa niqira taviti gana kau sogo i laona.

Linge 10:11

Aia na tinoni vanga tsutsukibo e goko segenina me tsarivaganana, “!E tau lelê gini boe God na omea vaga gira! !Aia e maturukapusinogoa na matana, me sauba e utu lelê vania ke morosiau inau!”

Esekiel 8:12

Ma God e veisuaau inau, “?Dalena tinoni igoe, laka o morosia na omea igira na ida tana Israel ara naupopoia? Igira sui ara samasama kesa tana voki i tana ara totu danga sosongo na nunuqira na god peropero. Mara tsaria, ‘!Na Taovia e tau nogo reigita. Aia e vanoligi nogo tania na verada!’ ”

Linge 94:7

Mara tû, mara tsarivaganana, “Na Taovia e tau lelê morosigami; na God ni Israel aia e tau goto boeginigami igami.”

Linge 59:7

Rongomia bâ niqira goko peapea ma niqira goko vavanga ara tsonia. Na lapiqira e vaga saikesa moa ti na isi i laona na mangaqira, mara pada ngatsua laka e tau rongomigira moa ke kesa.

Nina Papi A Job 22:13

Migoe o tû mo veveisua moa, ‘?Nagua nogo e dona God? ?Maia e totu popoi tana parako, me sauba ke koegua ti aia ke pede gotosigita?

Isaia 41:6

Igira na tinoni vanga katsu omea ara vaisangagi mara vaimalagaisigi.

Linge 124:7

Igita a tsogoligi tanigira vaga moa na manu kalina e lovoligi tania nina taviti na mane na rugu; me takuti lê niqira taviti, migita a tsogoligi lê.

Tsoko Tinoni 22:6

Igira ara danga liusigami bâ igami, me vaga ia mau nongigo ko mai mo ko vealaginigira vaniau. Mi tana, ti sauba ke gini tau ngatsu utu vanigami na tuliusiaqira ma na tsialigiaqira tania nimami butona kao. Inau au donanogoa laka kalina ti vaga igoe ko nongigira na god kesa na omea dou vania kesa tinoni me sauba na tinoni ia ke adia manana, mi kalina ti vaga igoe ko vealaginia kesa, maia sauba ke gadovi mananâ na vealagi.”

Binaboli 15:9

Ma na gala e tsaria, ‘Inau sauba kau takuvigira ma kau tangoligira; ma kau langâ niqu isi ma kau labumatesiginigira; me sauba kau tuvarigira niqira omea tatamani, ma kau aditamaniqu igira na omea sui au ngaoa.’

Na Katemai 11:10

Migira na tinoni sui i barangengo sauba kara gini mage loki tana rongona ka mateaqira kaira. Me sauba kara kavomutsa ma kara vaituvarigi gaqira omea levo, rongona ara ka mate kaira na propete karani ara ka adimaigira danga sosongo na rota vanigira na tinoni tana barangengo.

Mateo 23:15

“!Sauba ke seko sosongo vaniigamu, igamu na tarai na Ketsa ma na Parisii! !Na vanga malapalu igamu! Amu liu pipi nauna moa i tasi mi longa, ke gini managamui na raqana kesa tinoni ke sage tana nimui lotu. !Mi kalina amu tangomana me sage ia tana lotu, migamu amu raqasasilia ia, tsau aia e seko ruka kalina liusigamu igamu, me ulagana moa ke vano tana rota e vo sui!

Tuturigana 20:13

Mi kalina God e mololigiau tania na valena tamaqu na vano tana vera tavosi, minau au tsarivania na tauqu, ‘Igoe ko sauvulagia laka o padalokiau manana ti vaga ko tsarivania pipi sei laka inau na tasimu.’

Tinoni Pede 20:22

Mi tana migira na Israel ara vano tugua tana nauna tana ara samasama, mara tangitangi i matana na Taovia poi tsau tana ngulavi. Mara veisuâ, “?Egua laka igami kami vanotugua tana veilabugi koluaqira na kamamami igira na Benjamin?” Ma na Taovia e tsarivanigira, “Eo.” Bâ, mi tana migira na mane vaumate ni Israel ara gini malagai tugua, mara mologira niqira mane vaumate kara ba tû tugua tana sasaqira vaga ara naunogoa tana idana.