Linge 64:4 - Ghari

⁴ Mara taopoi mara vanasigira igira e goto niqira sasaga, ara tau goto matagu, mara tavongani vanasigira lê.

Linge 64:4 Referans Kwoze

Linge 55:19

God aia e tagao tû mai nogo tana tuturigana tsotsodo, maia sauba ke rongomiau me ke tsogoripukalia gaqira susuliga igira, rongona ara sove na oliana niqira sasaga, mara tau goto dona na mataguniana aia.

Linge 11:2

rongona igira na tinoni vanga tsutsukibo ara tû tana rodona, mara nari manogatinogoa niqira parige mara matania niqira pipili, rongona kara vanasiginigira na tinoni dou.

Ioane 19:6

Mi kalina igira na taovia na lotu ma na mane matali Vale Tabu ara morosia a Iesu, ara guguu loki mara tsaria, “!Pogalobatia! !Pogalobatia!” Ma Pilate e tsarivanigira, “Vaga ia, migamu segenimui kamu adia ma kamu pogalobatia. Inau au tau tsodoa sa omea seko kau pedematesiginia.”

Habakuk 3:14

Ma nimu pipili ara ba toka i konina gaqira taovia tagao na mane vaumate, kalina ara maimai tsaku vaga moa na viru gana kara sarangasiginigami, mara gini mage sosongo na sekoliamami, vaga moa kesa na mane e taopoi me pipitu gana ke labu novotigira igira ara tau tamanina sa omea.

Linge 64:7

Ma God sauba aia ke vanasiginigira nina pipili, me sauba kara tavongani boka tsaku lê.

Nehemia 4:11

Igira gamami gala ara padâ laka e utu kami reigira se kami donaginia na omea ara vangaraua na nauana poi tsau kara mai novotigami, ma kara matesigami, ma kara utusiginia nimami aqo.

2 Samuel 15:14

Maia David e tû me tsarivanigira sui nina mane sasanga igira ara totu kolua i Jerusalem, “!Nida aqo moa gita ka vanoligi saviliu tania ieni ti vaga igita a ngaoa ka savilaginia na limana a Absalom! !Tsaku! Ke tau mai tsaku me ke tangoligita me ke labumatesia pipi tinoni tana verabau iani!”

1 Samuel 19:10

Ma Saul e tovoa laka ke bao vataraginia a David tana ponoponona na vale, ma David e tsaku e tsipuligi me savilaginia, ma na bao e ba toka lê tana ponopono. Ma David e tsogo me ba taopoi i valena.

1 Samuel 18:11

Me tsarisegenina, “Inau sauba kau bao vataraginia bâ tana ponopono.” Maia e tsoni bâ na bao ia i konina a David e ruka kalina, maia David e tsaku e tsipuligi me savilaginia.

Linge 55:22

Mololakagira na omea sui ara ngoligo i limana na Taovia, maia sauba ke isutugumu; aia e utu ke tamia na tinoni e goto niqira sasaga kara pukavisu lê.

Linge 57:5

Niqu God, ko saulabatia tana masaoka laka igoe o loki tsapakae, ma na mararamu ke tsavu poponoa na barangengo.