Linge 64:2 - Ghari

² Ko reitutuguau dou ma kau mauri tania niqira togigokosai ara naua igira na tinoni vanga tsutsukibo, me tanigira goto na alaala na tinoni seko.

Linge 64:2 Referans Kwoze

Linge 143:9

Taovia, au bâ i konimu rongona igoe ko reitutuguau; ko laumaurisiau tanigira gaqu gala.

Linge 59:2

!Maurisiau tanigira na tinoni seko gira; ko laumaurisiau tanigira igira na vanga matesi tinoni!

Jeremia 11:19

Minau au vaga moa kesa na dalena sipi tsalapo ara raqavanoa tana nauna i tana kara matesia, mau tau saikesa donaginia laka ara vorogokona na matesiaqu. Migira ara tsaria, “Ida gita ma ka labumatesia a Jeremia, vaga moa na gai ara kavitsunâ kalina e mamauri dou moa, me ke gini tagara goto sa tinoni ke padagotoa.”

Linge 31:20

Igoe o molopoigira dou tana nauna raviravi dou i konimu igoe, tania niqira vorogoko sai na tinoni. Mo mologira kesa tana nauna raravi dou, popoi tania niqira gokotsiri gaqira gala.

Linge 27:5

I laona na tagu na rota aia sauba ke ravisiau. Aia sauba ke moloau kau totu raviravi dou i laona nina Vale Tabu, me ke molokaeau ma kau totu dou i kelana na vatu loki.

Jeremia 18:23

Migoe Taovia, o donagininogoa laka ara voro gaqu mate inau. Ko laka saikesa na padaleana niqira sasaga tabaru se na nusileana niqira sasi. Ko tamivanigira gaqira gala kara tuliusigira, migoe segeni moa ko kedegira tana nimu momosa loki.”

Linge 56:6

Ara totusai tana nauna gana na taopoi mara tuvia pipi na omea sui inau au naugira, mara pada laka kara labumatesiau.

Linge 3:1

!Taovia, ara danga sosongo bâ gaqu gala, mara danga sosongo ara tsonikidaqu!

Aqoaqo 25:3

ke laka tagara na rongomiaqira, me ke adivisumaia a Paulo i Jerusalem. Ara nongigini vaganana ia, rongona ara vorogokona nogo igira laka kara labumatesia a Paulo kalina ke maimai i sautu.

Isaia 32:2

Pipi kesa vidaqira sauba ke vaga kesa nauna i tana igira na tinoni kara tsogoravi tania na guguri ma na legai. Me sauba kara vaga na kô e tatave i laona na kaomate, me vaga goto na auauna kesa na maragova dato ao i levugana na kaomate.

Linge 2:2

Igira na taovia tsapakae ni lao eni ara tû, mara vangarau segeniqira nogo, migira sui na tagao ara vorogokona sai na tukapusiana na Taovia, ma na tukapusiana goto na taovia tsapakae aia e vilinogoa.

Tuturigana 4:6

Ma na Taovia e tsarivania a Kain, “Rongona gua ti o kore igoe? ?Ma na rongona gua goto te e iru matamu?

Jeremia 18:19

Me vaga ia, minau a Jeremia au nonginongi mau tsaria, “Taovia, ko rongomia na omea inau au tsarivanigo, mo ko rongomigotoa na omea ara gini vaitsari gaqu igira gaqu gala.

Aqoaqo 24:9

Migira na Tsiu ara sanga goto na keli gana a Paulo, mara tsaria, “Gira sui na goko girani ara mana sui.”