Linge 61:4 - Ghari

⁴ Tamivaniau moa ma kau ba totu i laona nimu Vale Tabu tana mauriqu popono; ma kau tsodoa na nauna raviravi dou i vavana na rapomu igoe.

Linge 61:4 Referans Kwoze

Linge 27:4

E kesa moa na omea au nongia i konina na Taovia; e kesa lelê moa na omea au kilia: aia nogoria laka kau totu saviliu moa tana na valena na Taovia tana mauriqu popono. Mi tana kau reia na douna na Taovia, ma kau nongia ke sauvulagia vaniau na sautu i tana kau liu.

Linge 23:6

Au dona laka igoe sauba ko dou kalavata vaniau mo ko galuveau tana mauriqu popono; mi laona na valemu segeni nogo igoe Taovia, i tana kau totu saviliu na dani ma na dani.

Linge 17:8

Ko reitutuguau vaga igoe o reitutugua na lakana matamu. Ko molopoiau tana auauna na rapomu,

Linge 91:4

Aia sauba ke tsavupoiginigo na rapona, migoe sauba ko totu raviravi dou i laona nina reitutugu aia; ma nina doulaka na Taovia sauba ke lia gamu tako me ke isutugumu.

Linge 63:7

rongona igoe nogo o tau kuti na sangaaqu sailagi. Minau au totu raviravi dou i konimu, vaga na dalena kokoroko i vavana na rapona tinana, mau linge tana magemage.

Linge 57:1

Ko galuveau kiki niqu God, ko galuveau, rongona inau au mai kau toturavi i konimu. Tana auauna na rapomu igoe inau kau toturavi poi tsau ke puka na legai loki.

Linge 15:1

?Taovia asei nomoa e ulagana ke sage bâ i laona nimu Vale Tabu? ?Masei nomoa e ulagana ke samasama vanigo i Sion tana nimu vungavunga tabu?

Mateo 23:37

“!Jerusalem, Jerusalem! !Igira na tinoni i laomu ara labumatesigira na propete, mara taimatesigira nina mane adigoko aia God e molomaigira vanigo! !Danga nogo kalina au ngaoa laka kau adisaigira nimu tinoni, vaga moa na kudo kalina aia e sarosaigira na dalena tetelo i vavana na rapona, migoe o tau saikesa tamivaniau!

Linge 62:7

God segenina moa e maurisiau me molokaeau; maia segenina moa niqu reitutugu susuliga; maia nogo niqu mani toturavi.

Nina Papi Ko Rut 2:12

Na Taovia ke sauvanigo na peluna nimu aqo sui igoe o naugira. !Ma na Taovia na God ni Israel, aia igoe o mai totu vataragi i konina, aia nogo ke sauvanigo na matena popono nimu aqo dou!”

Na Katemai 3:12

“Maia e managana, sauba inau kau turuvaginia, me ke tukakai vaga moa na tuguru tina i laona na valena tabu niqu God, me utu goto ke vanoligi kesa dani. Sauba kau marea na soana niqu God, ma na soana na verana niqu God i konina, aia na Jerusalem vaolu, maia nogoria sauba ke tsunamai talu i baragata i konina niqu God. Me sauba kau maregotoa na asaqu vaolu i konina aia.

Linge 91:1

Aia moa e dona na ba toturavi i konina na Taovia, ma na totu kalavata i vavana nina reitutugu aia e Susuliga Sosongo,

Hibru 6:18

E utu sosongo vania God ke oli kaira na omea karani, na vatsa ma na veke, rongona e utu sosongo vania God ke pero. Me vaga ia, ma na goko vaga karani e tugua nomoa ke kakaisigita, igita a toturavi nogo i konina God. Ma ka gini norukakaia laka sauba God ke manalia na omea aia e vekenogoa vanigita.

Linge 92:13

Ara vaga moa na gai ara tsukagira i laona na valena na Taovia, mara dato magobu i laona nina Vale Tabu nida God.

Linge 90:1

Taovia, igoe nogo nimami raravi na dani ma na dani.

Linge 61:7

Ko naua maia ke tagao saviliu i matamu igoe niqu God; mo ko reitutugua tana nimu galuve vo oli ma nimu doulaka saviliu.

Goko Tabana 18:10

Na Taovia e vaga moa na kusudato susuliga, i tana tangomana kara ba totu raviravi igira e gotolaka niqira sasaga.