Linge 61:2 - Ghari

² !Au totu ao tania na veraqu, me ponopala sosongo na tobaqu, mau soago igoe ko sangaau! Ko adiau bâ kesa tana nauna i tana kau totu raviravi dou,

Linge 61:2 Referans Kwoze

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Isaia 32:2

Pipi kesa vidaqira sauba ke vaga kesa nauna i tana igira na tinoni kara tsogoravi tania na guguri ma na legai. Me sauba kara vaga na kô e tatave i laona na kaomate, me vaga goto na auauna kesa na maragova dato ao i levugana na kaomate.

Linge 62:6

Aia segenina moa e reitutuguau me maurisiau; maia moa nogo e isutuguqu, me utu goto kara tuliusiau igira.

Linge 77:3

Mi kalina inau au padâ God, mau ngangai i laona na tobaqu; mi kalina au totu mui mau papada, me ponopala lê na tobaqu.

Linge 62:2

Aia segeni moa e reitutuguau me maurisiau; maia moa nogo e isutuguqu, me utu goto kara tulisiau igira.

Linge 18:46

!Na Taovia aia e totu mamauri manana! !Tsonikaea aia niqu reitutugu! Katevulagia gana loki tsapakae God aia e maurisiau.

Na Vaolusi Ketsa 4:29

Mi tana ti igamu sauba kamu lalavea na Taovia nimui God, me ti vaga kamu lave mananâ tana tobamui popono, me sauba kamu tsodoa.

Linge 27:5

I laona na tagu na rota aia sauba ke ravisiau. Aia sauba ke moloau kau totu raviravi dou i laona nina Vale Tabu, me ke molokaeau ma kau totu dou i kelana na vatu loki.

Linge 142:3

Mi kalina e varavara nogo kau pukavisu lê, maia e dona sui nogo niqu omeomea. Tana sautu tana sauba kau liu inau, igira gaqu gala ara molopoia vaniau gaqu taviti.

Linge 40:2

Me tû me raqadatoau tania na qiluna na mate, me tanigotoa na bilolona na kao. E molokaea na tuaqu tana vatu mau tsotso tana kakaina.

Isaia 54:11

Ma na Taovia e tsarigotoa, “Igoe Jerusalem, na verabau o rota sosongo me tagara ke kesa ke sangago se ke verego. Minau nogo sauba kau pakaginitugua na vatu angaanga na papakamu.

Linge 55:5

E mamara sosongo na tobaqu tana matagu mau gariri; na matagu loki e labusekoliau popono nogo.

Linge 143:4

Me vaga ia, me varavara nogo kau pukavisu lê, mau seko pitsu saikesa nogo.

Linge 43:5

?Megua vaga inau te au melu sosongo vaga ia? ?Megua ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua, aia niqu vagamauri ma niqu God.

Linge 42:6

Iani tana vera i tana au totu tsinogo kalina ia e melu loki sosongo na tobaqu, ma niqu papada e pilovisutugua i konina niqu God. Aia nogo e molovanigira na panu loki na rota kara karara tsavua na tidaoqu, ma na qulututuna ke kuviau, vaga kalina na tatarina na sasavu e talu i kelana na Vungavunga Hermon ma na Vungavunga Misar, me tuavata tsuna bâ tana Kô Jordan.

Luka 22:44

E ngolia tobana na rota loki sosongo, maia e nonginongi kakai goto baa, me gini maono na gabu me kukudutsuna tana kao.

Linge 17:1

Taovia ko rongomivatavia niqu ngangaidato vanigo tana rongona na pedegoto. Ko boeginiau kalina au nongigo ko sangaau. Ko tû mo ko rongomia niqu nonginongi, rongona e tagara goto ke kesa na gokopero e dona ke rutsu i mangaqu.