Linge 60:1 - Ghari

¹ God igoe o sovetanigami nogo, migoe nogoria o naua te e gini tau managamami; o kore sosongo vanigami nogo, mi kalina eni ami ngasugo ko pilovisumai i konimami.

Linge 60:1 Referans Kwoze

2 Samuel 8:3

Mi muri ma David e tuliusigotoa na taovia tsapakae ni Soba tana Siria, aia nogo a Hadadeser na dalena a Rehob, kalina a Hadadeser e vano ke tangolivisua na butona kao ligisana na uluna na Kô Euprates.

Linge 44:9

Mi kalina eni igoe o sove tanigami tugua mo tamivanigira gamami gala kara tuliusigami; mo tau nogo totu i laoqira nimami alaala na mane vailabu igami.

1 Turupatu Dato 18:3

Mi muri, ma David e baginia a Hadadeser na taovia tsapakae ni Soba tana Siria, varangisia na butona kao ni Hamat, rongona tana tagu ia a Hadadeser e ngaoa laka ke tangolia na butona kao popono e totu ligisana na uluna na Kô Euprates.

2 Samuel 5:20

Mi tana, ma David e tû, me vano i Baal Perasim me tuliusigira na Pilistia i tana. Me tsaria, “Na Taovia e aqoginiau inau ti au gini liu tsapatugu i levugaqira gaqu gala vaga moa kalina e tave na obo.” Aia na rongona ti ara soaginia tana nauna ia i Baal Perasim.

Linge 90:13

?Ke oka koegua sagata goto ke totu nimu momosatoba vanigami? !Taovia ko galuvegami igami nimu tinoni aqo!

Linge 85:4

Ko adivisugami tugua, igoe God nimami vagamauri, mo ko laka goto na reisaviamami.

2 Taovia Tsapakae 14:7

Maia Amasia e labumatesigira ara sangavulu toga na mane vaumate ni Edom tana Poi ni Solo; maia e tangolia na verabau ni Sela tana vailabu, me olia na soana me soaginia i Jokteel, aia nogo na soa ara soaginia tsau mai i dani eni.

Linge 89:19

I laona kesa na moro i sau nogo igoe o tsarivaganana vanigira nimu tinoni: “Inau au sanganogoa aia kesa na mane vaumate susuliga; mau tusuvaninogoa na sasana na totukae aia e kesa au vilinogoa i laoqira na toga.

Linge 89:3

Taovia igoe nogo o tsaria, “Inau au naunogoa kesa na vaitasogi kolua na mane inau au vilinogoa; au gini veke nogo vania a David niqu maneaqo mau tsarivania,

Linge 80:3

!God, igoe ko adivisugami! !Ko galuvegami, me sauba kami mauri!

Linge 79:5

?Taovia kiki igoe, laka sauba nomoa ko kore vanigami saviliu? ?Egua laka na koremu ke iru babâ moa vaga na lake?

Linge 74:1

?God rongona gua ti igoe o piloligi tanigami vaga ia? ?Egua igoe, laka sauba ko kore sailagi vanigira moa nimu tinoni?

Linge 60:10

?Egua laka igoe o sove tanigami manana nomoa igami? ?Me laka tagara ko tau goto dulikolugira nimami alaala na malagai?

Linge 59:11

Niqu God, ko laka na labumatesiaqira, rongona ti vaga kara mate, me sauba niqu tinoni kara padalegira saikesa. Sarangasigira moa ginia na susuligamu mo ko tuliusigira, igoe nogo Taovia gamami tako igami.

Linge 59:1

!Niqu God ko maurisiau tania na limaqira gaqu gala; ko isutuguqu tanigira igira ara ngaoa na labumatesiaqu!

2 Turupatu Dato 25:11

Me malagai tugua a Amasia, me tû me raqagira nina mane vaumate, mara bâ tana Poi ni Solo. Mi tana ara ba vailabugi mara matesigira sangavulu toga na mane vaumate ni Edom,

1 Turupatu Dato 28:9

Mi tana ma David e gokovania a Solomon me tsaria, “Dalequ igoe, nimu aqo nomoa ko padalokia nina God na tamamu, mo ko tamia na aqo dou vania tana tobamu popono mi tana papadamu popono. Aia e donaginia pipi sui nida papada ma nida kili igita. Me ti vaga igoe ko vataragi i konina aia, maia sauba ke tabego; me ti vaga igoe ko piloligi tania, maia sauba ke piloligi sailagi tanigo goto igoe.

1 Samuel 13:11

Ma Samuel e veisuâ, “?Ma nagua vaga o naua igoe?” Ma Saul e gokovisu vania me tsaria, “Kalina inau au reigira na tinoni ara tuturiga nogo na vanoligi taniaqu, migoe goto o tau mailaba tana tagu igoe o titia; migira na Pilistia ara sai alaala nogo i Mikmas,

1 Samuel 4:17

Ma na mane adigoko ia e tsarivania a Eli, “Igira na Israel ara tsogoligi tanigira na Pilistia. !Migira ara tsogori pukaligita seko sosongo! Mara labumatesikaira goto a Hopni ma Pinehas kaira na dalemu igoe, mara laua nina Bokisi na Taso God!”

Linge 108:11

?Egua laka igoe o sove tanigami manana nomoa igami? ?Me laka e utu goto ko dulikolugira nimami alaala na mane vaumate na vano tana vailabu?

Linge 79:9

Nimami God ko sangagami mo ko maurisigami; ko laumaurisigami mo ko padale vanigami nimami sasi, rongona ke gini tangiloki na soamu igoe.

2 Samuel 10:16

Ma Hadadeser na taovia tsapakae e molovanogira visana na mane adigoko kara ba soamaigira na Siria ara totu tana Kô Euprates tabana i longa, migira ara mai i Helam i vavana nina tagao a Sobak niqira taovia tagao nina mane vaumate a Hadadeser na taovia tsapakae ni Soba.

Sekaria 10:6

“Inau sauba kau susuligasigira na tinoni ni Juda, ma kau laumaurisigira na tinoni ni Israel. Sauba kau galuvegira ma kau adivisugira sui tugua i veraqira. Me sauba kara totudou vaga moa ti au tau nogo reisavigira. Inau nogo na Taovia niqira God, me sauba kau rongomia niqira nonginongi.

Linge 89:38

Mi kalina ia, migoe o kore sosongo vania na taovia tsapakae igoe o vilinogoa; mo tû mo vanoligi tania mo sove saikesa tania.

Linge 89:7

Igira sui ara kukuni tanigo sosongo i laona niqira saikolu; igira sui ara kadangaginigo manana igoe.

2 Samuel 8:14

Maia e mologira nina mane vaumate kara totu babâ moa i laona na Edom popono, migira na tinoni ni tana ara totu i vavana nina tagao a David. Ma na Taovia nogo e naua maia David e gini susuliga na tuliusiaqira gana gala pipi moa tana nauna.

Linge 80:1

Taovia, igoe niqira Reitutugusipi igira na Israel, ko rongomigami; igoe o matalidougira nimu sipi, ko rongomigami. Igoe o totu tana sasamu na totukae i kelana na rapoqira na angelo,