Linge 6:4 - Ghari

⁴ Taovia ko mai tsaku mo ko maurisiau; tana nimu galuve ko laumaurisiau tania na mate.

Linge 6:4 Referans Kwoze

Daniel 9:18

Taovia God, ko rongomigami mo ko morosigami kiki, mo ko reia nimami rota igami, ma nina rota nimu verabau ara tamavuginia na asamu. Igami ami norugo rongona igoe moa o dona sosongo na galuve, me tau tana rongona laka igami ami naua sa omea ke goto.

Linge 17:13

!Taovia ko mai tsaku! Ko butogira gaqu gala me ke tau lelê managaqira. Ma nimu isi ko maurisiginiau tania na limaqira na tinoni vanga tsutsukibo.

Malaki 3:7

Vaga nogo ara naua igira na mumuamui i sau, igamu goto amu sovetanigira niqu ketsa, mamu tau nogo murigira. Kamu pilovisumai i koniqu inau, minau goto sauba kau pilo bâ i konimui igamu. Migamu amu veisuaau, ‘?Ma nagua kami naua igami ti kami pilovisu bâ i konimu?’

Linge 121:7

Na Taovia sauba ke didia tanigo pipi sui na omea seko; me ke reitutugua na maurimu.

Linge 116:4

Te au tû, mau ngangaidato vania na Taovia mau tsaria, “!Taovia au ngasugo ko maurisiau!”

Linge 90:13

?Ke oka koegua sagata goto ke totu nimu momosatoba vanigami? !Taovia ko galuvegami igami nimu tinoni aqo!

Linge 80:14

!Ko pilovisumai i konimami igoe God Susuliga Sosongo! !Tû i gotu i baragata ko morosigami i lao eni, mai mo ko maurisigira nimu tinoni!

Linge 22:20

Ko maurisiau tania niqira isi; mo ko lauligia na mauriqu tanigira na pai atsi girani.

Epesus 1:6

!Igita sui ka tsonikaea God rongona nina vangalaka tsapakae, e tusulea vanigita i laona na Dalena galugaluve!

Isaia 38:17

Niqu vatsangi savi e oli me lia na rago. Igoe nogo o maurisiau tanigira na omea seko sui, Kalina igoe o padalegira pipi sui niqu sasi.

Linge 120:2

Au nonginongi vaga iani: “Ko maurisiau Taovia, tanigira igira na vangapero ma na vanga bulesi tinoni.”

Linge 116:8

Na Taovia e maurisiau tania na mate; maia nogo e saluvaligia na kô na mataqu, me utusigira gaqu gala na tuliusiaqu.

Linge 86:13

!E loki sosongo nomoa nimu galuve vo oli vaniau! Igoe nogo o laumaurisiau tania na qilu.

Linge 69:13

Minau moa Taovia sauba kau nonginongi vanigo babâ moa, migoe niqu God ko tuguvisua niqu nonginongi kalina moa igoe ko pedea. Tana nimu galuve loki au ngasugo ko rongomia niqu nonginongi, rongona igoe o mana saviliu mo vekenogoa laka sauba ko maurisiau.

Linge 25:7

Mo ko laka goto na padatuguaqira niqu sasi au naua kalina au tinoni vaolu moa. !Tana nimu galuve vo oli ma nimu tobalaka ko padaau Taovia, rongona igoe o dou sosongo!

Linge 13:2

?Me ke oka koegua sagata e kilia inau kau vatsangia na rota tana tidaoqu, me ke melu loki na tobaqu na dani ma na bongi? ?Me ke oka koegua sagata goto igira gaqu gala kara tuliusiau?

Linge 74:10

?God, sauba ke oka koegua igira gamami gala kara kiataginigo igoe? ?Se laka kara totu matengana sailagi moa na soa sekoliana na asamu igoe?

Linge 79:5

?Taovia kiki igoe, laka sauba nomoa ko kore vanigami saviliu? ?Egua laka na koremu ke iru babâ moa vaga na lake?