Linge 6:2 - Ghari

² !Au maluku sosongo nogo Taovia; ko galuveau! Ko sangaau ma kau susuliga tugua; e labe nogo na koniqu popono,

Linge 6:2 Referans Kwoze

Hosea 6:1

Migira na tinoni ara tsaria, “!Ida gita ma ka visutugua i konina na Taovia! Aia nogo e gati ngotsingotsigita; me sauba nomoa ke taligita; aia e bokaligita, me sauba nomoa ke veqoa na bokada.

Linge 31:10

Au kolae sosongo nogo tana rongona e ngoliau na melu loki; ma niqu ngangai aia nogo e kukurisia na mauriqu. Au gini maluku tana rongona pipi na omea seko ara gadoviau, me tsau tana suliqu goto ara viri maluku lê sui.

Linge 30:2

Taovia niqu God, au ngangaidato vanigo ko sangaau, migoe o maurisiau,

Jeremia 17:14

Taovia, ko talimaurisiau inau, me sauba kau mauri dou saikesa; ko laumaurisiau, minau kau totu raviravi dou i konimu. !Igoe segeni moa au tsonikaego!

Linge 51:8

Ko tamivaniau ma kau rongomia na tatangina na magemage loki; me atsa moa ti vaga igoe o tsogori rapasiau mau taquruquru saikesa nogo, minau sauba kau dona nomoa na magemage tugua.

Na Vaolusi Ketsa 32:39

“ ‘Inau, inau segeni au God; me tagara goto sa god tavosi ke mana. Inau nogo au matesi tinoni, mau maurisi tinoni, mau bokali tinoni mau tali tinoni, me tagara goto ke kesa tangomana ke utusia na omea inau au naua.

Linge 38:7

Inau au masagi loki ma na koniqu e papara vaga na lake, me varangi nogo kau mate.

Linge 38:3

Rongona nogo na koremu igoe, ti inau au gini vatsangi savi loki sosongo. Na kokoraqu popono e gadovia na lobogu matena niqu sasi.

Linge 32:3

Kalina inau au tau vati koevulagia moa niqu sasi, ma na koniqu popono e gini maluku sosongo na ngangai tana dani popono.

Tuturigana 20:17

Me rongona na omea vaga ia e laba vania ko Sara na tauna a Abraham, te na Taovia e naua mara gini tau tangomana kara tamani baka igira na daki ara totu i laona na valena a Abimelek. Me tû a Abraham me nonginongi vania a Abimelek, ma God e talivisua. Me talivisu gotoa na tauna migira nina daki tseka, rongona kara gini tangomana na tamani daleqira tugua.

Mateo 4:24

Ma na turupatu tana rongona aia e rarasa bamai tana vera sui i laona na Siria. Migira na toga ara adimaigira vania a Iesu igira sui na tinoni e gadovigira pipi na vatana na lobogu ma na vatsangisavi: igira e totuvigira na tidao, ma na tsodoboo, ma na logu, ma na mateatua. Ma Iesu e maurisigira sui.

Linge 22:14

E nanga lê sui na susuligaqu inau, vaga moa ti na kô e nara lê tana kao. Ara viri tapiu sui na suliqu tania na sasaiqira; ma na kosuqu e rono lê vaga moa ti na kadele kalina e iru.

Nina Papi A Job 5:18

Igita a dona laka ti vaga God ke bokalia kesa, maia nogo sauba ke talivania na bokana; na limana nogo ia e labuginigo, ma na limana goto nogo ia sauba ke taliginigo.

Tsoko Tinoni 12:13

Maia Moses e ngangaidato vania na Taovia me tsaria, “!Kiki, Taovia, au nongigo ko maurisia ko Miriam!”

Binaboli 15:26

Maia e tsaria, “Ti vaga igamu kamu rongomangaqu saikesa inau ma kamu naua na omea inau au pada e goto, ma kamu muridougira sui niqu ketsa, me sauba e utu kau kedeginigamu goto sa vatana lobogu vaga au rotasiginigira nogo na Ejipt. Rongona inau nogo na Taovia au tali maurisigamu.”

Nina Papi A Job 19:21

“!Migamu na kulaqu, kamu galuveau kiki! Na limana nogo God e labu pukaliginiau.

Linge 38:2

Igoe o bokaliginiau nimu pipili; mo surukeliginiau na limamu mau puka.

Jeremia 10:24

Ko gotosigira rago nimu tinoni Taovia; mo ko laka moa na rotasiamami sosongo, se ko pedegami kalina ke momosa loki na tobamu; rongona ti ko nauvaganana ia, me sauba igami kami mate sui.