Linge 6:10 - Ghari

¹⁰ Migira gaqu gala, sauba ke ponopala lê na tobaqira rongona e tau managaqira; me sauba kara tavongani vangamâ loki ma kara sugavisu lê.

Linge 6:10 Referans Kwoze

Malaki 3:18

Me ke kesa goto kalina sauba igira niqu tinoni kara reia laka e tavosi na omea inau kau nauvanigira igira e gotolaka niqira sasaga, migira na vanga tsutsukibo, ma na tinoni e aqo vaniau, maia e tau aqo vaniau.”

Jeremia 20:11

Migoe Taovia o tabana koluau, mo malagai susuliga sosongo, migira ara rotasiau e utu moa ke managaqira. Sauba kara paluvangamaqira saviliu, rongona e utu saikesa kara tangomana. Ma niqira paluvangamâ sauba e utu saikesa na tinoni kara padalea.

Linge 86:17

Taovia ko sauvulagimaia kesa na papadana nimu galuve vaniau; mi tana ti igira sui ara tobaseko vaniau kara gini vangamâ kalina kara reia laka igoe nogo o vereau mo sangaau.

Isaia 26:11

Igira gamu gala ara tau donaginia laka igoe o saukaenogoa na limamu agana na mani kedeginiaqira. Taovia ko paluvangamaqira, mo ko molovanigira kara vatsangia na rotana na kede igoe o vangaraunogoa vanigira. Mo ko saumakaligotoa vanigira laka igoe o galuve sosongoligira nimu tinoni.

Goko Tabana 29:1

Ti vaga igoe ko tsatsarae babâ moa pipi kalina kara totosasagago, me kesa dani sauba ko toroutsa me ke utu saikesa vanigo ko douvisutugua.

Linge 132:18

Inau sauba kau paluvangamaqira popono igira gana gala, ma kau naua ma gana susuliga ke pabo babâ me ke totu kakai saviliu.”

Linge 112:10

Migira na tinoni vanga tsutsukibo ara reivaganana ia, mara gini kore sosongo; mara vusulia tana tobamomosa, mi muri mara ba nanga lê; mara tau goto adia na omea ara amesia kara tamanina.

Linge 73:19

Sauba ke gadovigira na mate seko, ma kara nanga tsaku lê.

Linge 71:24

Eo, tana dani popono inau sauba kau gini turupatuna tana rongona nimu gotolaka tsapakae igoe, rongona igira ara tovoa laka kara sekoliau inau e tau lelê managaqira me paluvangamaqira lê.

Linge 71:13

Ko naua migira ara ngaoa laka kara sugutiau inau ke tau nogo managaqira ma kara mate lê sui. Migira ara tovoa na sekoliaqu, igoe ko naua ma kara seseada me ke paluvangamaqira lê.

Linge 35:26

Migoe Taovia ko naua, ma kara luvu lê igira ara gini mage tana rongona na rota e gadoviau inau, me ke ponopala lê na tobaqira, migira ara koesegeniqira mara tsaria laka ara dou bâ liusiau inau, igoe ko naua, me ke tsavugira popono na vangamâ me ke paluvangamaqira.

Linge 25:3

E utu ke paluvangamaqira igira ara norugo igoe, migira moa ara tsaku sosongo na sove taniamu, e dou ti ko paluvangamaqira.

Linge 7:6

!Ke botsalaba na koremu Taovia! Ko tukae, mo ko tukapusia niqira momosatoba igira gaqu gala. Ko tavurake segenimu mo ko sogogaqu inau. Na pedegoto saikesa moa aia nogo igoe o kilia.

1 Tesalonika 5:3

!Eo, kalina igira na tinoni kara tsaria, “Na omea sui ara goto nogo, mara totu dou sui,” mi tana tagu tsotsodo nogo ia, sauba ke tavongani gadovigira na rota loki, me ke vaga nogo kalina na daki e tavongani vatsangisavia na sosongo loki tana vasusu! Me ke utu goto vanigira na tsogopoi taniana.

Linge 5:10

Migoe God, ko tusuvanigira na matena niqira tsutsukibo; me ke gadovisu segeni i koniqira na omea seko ara vangaraua na nauana. Ko tsialigigira tania na matamu rongona na sasi danga ara tsukia, mara petsakoe loki vanigo igoe.

Linge 2:5

Mi muri maia e tû, me parovatavigira tana korena loki, me molo matagu loki sosongo vanigira tana nina momosa.

Nina Papi A Job 6:29

Kamu mololea na goko dangadanga ma na tsoniana na tsaqina goko e tau mana. Ma kamu laka goto na kedeaqu inau, rongona inau au tau naua sa omea ke sasi.

2 Taovia Tsapakae 20:5

ke visutugua i konina a Hesekia gaqira taovia tsapakae igira nina tinoni na Taovia, me ke tsarivania, “Inau na Taovia nina God a David na mumuamu, au rongominogoa nimu nonginongi mau reinogoa na kô na matamu. Inau sauba kau maurisigo, mi tana tolunina dani igoe sauba ko tû, mo ko vano i laona na Vale Tabu.

Linge 55:20

Aia gaqu duli dou sosongo tana idana aia nogo e tû me sugutigira na kulana; me veogira goto nina veke aia e naua kolugira tana idana.