Linge 59:7 - Ghari

⁷ Rongomia bâ niqira goko peapea ma niqira goko vavanga ara tsonia. Na lapiqira e vaga saikesa moa ti na isi i laona na mangaqira, mara pada ngatsua laka e tau rongomigira moa ke kesa.

Linge 59:7 Referans Kwoze

Linge 57:4

Ara totu poliau igira gaqu gala, vaga saikesa moa ti na laeone veveiga. Na livoqira ara vaga moa na bao ma na pipili; ma na lapiqira ara vaga na isi vavanga.

Goko Tabana 15:2

Mi kalina ara goko igira na tinoni sasaga, e naua migira na tinoni ara rongomia ara gini padalokia na donalevo, ma na mangaqira na tinoni tau sasaga ara lua moa na goko bubulega.

Linge 10:11

Aia na tinoni vanga tsutsukibo e goko segenina me tsarivaganana, “!E tau lelê gini boe God na omea vaga gira! !Aia e maturukapusinogoa na matana, me sauba e utu lelê vania ke morosiau inau!”

Linge 73:11

Mara tsarivaganana, “Sauba God e utu ke donaginia; aia e totu i Gotu Vasau e utu ke tsodovulagia.”

Goko Tabana 15:28

Igira na tinoni dou ara papada talu ti ara tuguvisu goko. Migira na tinoni vanga nauseko ara tugugoko tsaku, mara gini tsukia moa na vaiganigi.

Goko Tabana 12:18

Na tinoni e tau papada dou talu ti ke tsonia na goko, ma nina goko e vaga moa na isi e sage ao i laona na tobaqira na tinoni tavosi, ma na goko ara tsoni sasagâ e dona ke ragosia na tobana tinoni.

Linge 55:21

Nina tsaqina goko ara pui dou, mi laona na tobana e totu moa na reisavi tinoni; ma nina tsaqina goko ara malutsi liusia bâ na oela, mara vavanga saikesa nogo vaga moa ti na isi vavanga.

Linge 10:13

?Nagua e padâ na tinoni vanga tsutsukibo aia te e peâ God me tsari segenina i tobana, “E utu lelê God ke kedeau inau”?

Mateo 12:34

!Dalena muata igamu! ?Ke koegua vaga ti kamu dona na tsoniana na goko dou, kalina e kuma vaga ia na tobamui? Rongona na mangana tinoni e gini goko moa na omea ara talumai i laona na tobana segeni.

Jeremia 33:24

“?A Jeremia igoe, laka o tau rongomia igoe ara tsatsaria moa laka inau au sove tanikaira nogo na Israel ma na Juda, i kaira ruka na vungu au vilikaira nogo? Me vaga ia, mara reipeagira niqu tinoni vaga nogo ti igira ara tau nogo sa puku na tinoni.

Linge 94:4

?Sauba ke oka koegua goto kara kaekae igira na tinoni vanga nauseko ma kara gini goko kaekae matena na omea seko ara naua?

Tangitangi 3:62

Tana dani popono ara totu matengana moa na vaitsari gaqu moa inau, mara vorogokona moa na omea seko kara nauvaniau.