Linge 59:4 - Ghari

⁴ me tau goto tana rongona ke kesa niqu sasi inau au naua Taovia, ti igira ara gini aligiri tsaku na mai vailabugi koluau.

Linge 59:4 Referans Kwoze

Linge 35:23

Ko aligiri Taovia mo ko isutuguqu; ko tsaku niqu God mo ko sogogaqu.

Roma 3:15

Ara dona na tsipukesa tana veilabu ma na matesi tinoni.

Aqoaqo 23:15

Vaga ia, ma nimui aqo igamu na taovia na lotu kolugira nimui sasanga, kamu mologoko baa vania na taovia na malagai ni Roma laka aia ke aditsunamai vanigamu a Paulo, ma kamu peroginia laka amu ngaoa kamu dona dou baa laka nagua manana e naua aia. Mi tana ti igami kami totupitua, ma kami labumatesia i sautu.”

Isaia 59:7

Igamu amu totu matengana moa na vorogokona na omea seko, mamu tsaku sosongo na manaliana. Amu tau goto padaruka na labu matesiaqira na tinoni dou. Mamu sekolia moa na mauriqira na tinoni tavosi pipi sui tana nauna amu liu bâ.

Isaia 51:9

!Ko mamata Taovia mo ko sangagami! Ko gini aqo na susuligamu vaga nogo o naua i sau mo ko laumaurisigami. Igoe nogo o labu tsapitsapia Rahab aia na tuqana vigo na omea mamauri ni tasi.

Goko Tabana 1:16

Na tinoni vaga gira e silovi sosongoligira moa na nauana na omea e seko. Igira ara totu vangarau sailagi moa vania na labumate.

Linge 44:23

!Ko mamata Taovia! ?Egua te o mamaturu moa? !Ko tû! !Ko laka na sove tanigami saikesa!

Linge 35:19

Ko laka na tamivaniaqira gaqu gala, igira na vanga pero, kara mage rongona ara tuliusiau inau. Ko laka na tamivaniaqira igira ara reisaviau lê tagara sa rongona kara kiataginiau tana niqu rota.

Linge 5:6

Igoe o tsogori pukaligira sui na tinoni vanga peropero, mo pea sosongoligira igira na lapiruka, migira na vanga tangopeke seko.

Tuturigana 40:15

Inau ara komiau tania niqira kao igira na Hibru; me atsa vaga goto ieni i Ejipt inau au tau naua sa omea seko e tugua kara mologiniau tana vale sosori.”

1 Samuel 19:4

Ma Jonatan e bâ konina na tamana me tsonikaea a David me tsarivania, “Taovia, ko laka na nauana sa omea seko vania a David nimu maneaqo. Aia e tau saikesa nauvanigo sa omea seko. Tagara, mi tana omea sui aia e naua, e sanga sosongoliginigo moa igoe.

Linge 56:7

!Ko kedegira niqu God, na matena niqira nauseko ara naua; ma na koremu ko tuliusiginigira na tinoni vaga gira!