Linge 59:13 - Ghari

¹³ te e dou igoe ko matesiligigira tana koremu loki; mo ko matesiligigira saikesa. Mi tana nogo ti igira sui lakalaka na tinoni kara donaginia laka igoe nogo God o tagao popono i laona na Israel, migoe nogo o tagaovi kaputia na barangengo popono.

Linge 59:13 Referans Kwoze

Linge 83:18

Mi tana ti kara gini donaginia laka igoe segeni moa o Taovia, mo taovia loki tsapakae kaputia na barangengo popono.

Linge 7:9

Igoe nogo God o gotolaka, mo pede gotosia pipi na papada ma na kili ara totu popoi i laona na tobamami. Ko utusia niqira sasaga tabaru igira na tinoni sasi, mo ko saupeluna vanigira na tinoni e goto na tobaqira.

Esekiel 39:7

Mi tana omea sui inau sauba kau naua vanigira niqu tinoni ni Israel, ti igira niqu tinoni kara donaginia na asaqu tabu, ma kara tau goto paluvangamana. Migira sui goto na tinoni tavosi kara donaginia laka inau nogo na Taovia, mau totu kolugira niqu tinoni Israel, ma na omea sui au naua e dou me gotolaka.”

Linge 59:11

Niqu God, ko laka na labumatesiaqira, rongona ti vaga kara mate, me sauba niqu tinoni kara padalegira saikesa. Sarangasigira moa ginia na susuligamu mo ko tuliusigira, igoe nogo Taovia gamami tako igami.

Daniel 4:25

Migoe sauba kara tsialigigo tania niqira saikolu na tinoni, mo ko ba totu kolugira na omea tuavati atsi. Mi laona ke vitu na ngalitupa, sauba ko gani buruburu vaga moa na buluka ma na sipi, mo ko totubamai lê moa i taba me ke porisigo na kolobu. Mi muri moa ti igoe sauba ko reigadoviginia laka na God Loki Tsapakae aia segeni moa e susuliga kaputigira na veraqira pipi sui na taovia tsapakae tana barangengo, me laka tangomana ke tusua na susuligana vania asei moa aia ke vilia.

Esekiel 38:23

Mi tana nauvaganana ia, ti inau kau sauvulagi vanigira na tinoni sui laka inau nogo au loki tsapakae, me pipi na omea au naua e dou me gotolaka. Mi tana ti igira kara donaginia laka inau nogo na Taovia.”

Isaia 54:5

Inau nogo au vusago, mau lia na savamu. Ma na Taovia Susuliga Sosongo, aia nogo na soaqu inau. Inau na God tabu ni Israel sauba kau laumaurisigo, inau nogo au tagaovi kaputia na barangengo popono.

Linge 104:35

Kara nanga tania na barangengo igira sui na tinoni seko; ma kara mate igira sui na vanga tsutsukibo. !Tsonikaea na Taovia igoe na tidaoqu! !Tsonikaea na Taovia!

2 Taovia Tsapakae 19:19

Mi kalina ia, Taovia nimami God, ko laumaurisigami tania na limaqira na Asiria, mi tana ti igira na puku sui tana barangengo popono sauba kara donaginia laka igoe segeni moa Taovia o God mana.”

Tsoko Tinoni 32:13

Na Taovia e kore sosongo vanigira na toga, me naua migira ara gini totu tavongana bamai i laona na kaomate e vati sangavulu na ngalitupa, poi tsau kalina ara mate sui lakalaka igira na vatavata ara tau rongomangana aia.

Linge 10:7

I laona na mangana aia e danga moa na gokoseko, na pero, ma na gorara tinoni; mi vavana na lapina e totu na goko vavanga ma na goko saisai.

Linge 64:9

Migira sui lakalaka na tinoni sauba kara matagu loki, sauba kara padavisua na omea loki God e naugira, ma kara gini turupatuna bamai.

Linge 109:17

!Aia e dona sosongo na vealaginiaqira na tinoni, me dou ti kara vealaginigotoa aia! !Aia e tau ngaoa ke vangalaka vanigira na tinoni tavosi, me ke laka goto kesa na vangalaka vaniana!

Goko Tabana 12:13

Na tinoni vanga tsutsukibo e sogo i laona nina tsaqina goko segeni, ma na tinoni e goto nina sasaga e tsidavagini segenina tanigira na omea seko.